ITEMVIDEOS: ఒలంపిక్స్ కోసం దారుణానికి ఒడిగట్టారు

Posted: 06/22/2016 03:09 PM IST

రియో 2016 ఒలింపిక్స్ వేడుకల నిర్వాహకులు దారుణానికి ఒడిగట్టారు. ఓవైపు సన్నాహకాలు జోరుగా ఊపందుకున్న వేళ అధికారులు చేసిన అతితో ఓ మూగజీవి ప్రాణాలు కోల్పోవాల్సి వచ్చింది. ఆటకు అదనపు ఆకర్షణ తేవడానికి ఓ చిరుతపులిని తెచ్చి దాన్ని కాల్చి చంపారు. ప్రస్తుతం ఈ వ్యవహారంపై నెటిజన్లు తీవ్రంగా మండిపడుతున్నారు.

ఒలింపిక్స్ పోటీలకు అధికారిక మస్కట్ గా పసుపు పచ్చ చిరుతను గుర్తించి, దానికి  'జింగా' అని పేరు పెట్టారు. టార్చ్ ఈవెంట్ జరుగుతున్న వేళ, జింగా కూడా ఉండాలన్న ఉద్దేశంతో మనౌస్ మిటలరీ కాంపౌండు పక్కనే ఉన్న జూ నుంచి జుమా అనే ఓ చిరుతపులిని తెచ్చారు. కార్యక్రమం వైభవంగా సాగుతున్న వేళ, సంరక్షకులు కాస్త నిర్లక్ష్యంగా ఉండటంతో జుమా తప్పించుకుంది. ఆ వెంటనే ఓ సైనికుడు దాన్ని కాల్చి చంపాడు. అయితే అధికారులు మాత్రం చిరుతకు ముందు మత్తు మందు ఇచ్చామని, అయినా అది లొంగకపోవటంతో కాల్చాల్సి వచ్చిందని పోలీసులు చెబుతున్నారు.

అధికారుల నిర్లక్ష్యం పూర్తి స్థాయిలో కనిపిస్తోందని, చిరుతను కాల్చినట్టుగా వారినీ కాల్చాలని జంతుప్రేమికులు డిమాండ్ చేస్తున్నారు. అధికారులతో అతితో దేశం పరువు పోయిందని బ్రెజిల్ వాసులు మండిపడుతున్నారు.

భాస్కర్