ITEMVIDEOS: వృద్దుడిని తన్నిన ఎంపీ

Posted: 03/28/2016 08:30 AM IST

పది మందికి ఆదర్శంగా నిలవాల్సిన ప్రజాప్రతినిధులు గతి తప్పుతున్నరు. ఎలా నడావాలో అన్నదానికి రోల్ మాడల్ గా మారాల్సిన వాళ్లు.... ఎలో ఉండకూడదో అన్న దానికి రోల్ మోడల్ గా మారుతున్నారు. తాజాగా ఓ ఎంపీగారి నిర్వాకం మీద సర్వత్రా విమర్శలు వస్తున్నాయి. ఓ వృద్ధుడిపై కండకావరం ప్రదర్శించాడు ఆ ఎంపీగారు. జనం ముందు ఓ ముసలాయనను పట్టుకొని కాలుతో విచక్షణారహితంగా తన్నాడు. కొట్టొద్దంటూ ఆ వృద్ధుడు వేడుకున్నా వినలేదు. ఆ నాయకుడి పైశాచికం ఇప్పుడు ఇంటర్నెట్‌లో చక్కర్లు కొడుతున్నది. ఎవరా నాయకుడు..?! గుజరాత్‌లోని పోర్‌బందర్ నియోజకవర్గ బీజేపీ ఎంపీ విఠల్ రడాడియా రౌడీయిజం ఇది!

ఇటీవల పోర్‌బందర్‌లో జరిగిన ఓ ఆధ్యాత్మిక కార్యక్రమంలో వేలమంది జనం పాల్గొన్నారు. ఎంపీ విఠల్ కూడా హాజరయ్యారు. ఏం జరిగిందో తెలియదు కానీ, ఉన్నట్టుండి ఎంపీ కోపంతో ఊగిపోతూ వేదిక మీది నుంచి కిందికి దిగాడు. జనం మధ్యలో కింద కూర్చున్న ఓ వృద్ధుడి వద్దకు వస్తూ వస్తూనే కుడికాలుతో తన్నడం మొదలుపెట్టాడు. వదిలేయండని ఆ వృద్ధుడు ప్రాధేయపడ్డా.. వినలేదు. గల్లా పట్టుకొని.. అక్కడి నుంచి బయటకు నూకేశాడు. ఆ నాయకుడి దాదాగిరిని ఎవరో వీడియో తీసి ఇంటర్నెట్‌లో పోస్ట్ చేశారు. తీవ్ర విమర్శలు రావడంతో.. తాను ఎవరినీ తన్నలేదని, కావాలనే తనపై బురదజల్లేందుకు ప్రయత్నిస్తున్నారని ఎంపీ విఠల్ రాడియా మీడియాతో అన్నారు.