పాస్టర్ కు 40 ఏళ్ల జైలు.. మైనర్ బాలికపై అత్యాచార కేసులో కోర్టు తీర్పు..

Posted: 03/03/2016 07:31 PM IST

Kerala priest sentenced to 40 year jail for raping 12 year old girl in church

చర్చి పాస్టర్ గా కొనసాగుతూ.. ప్రవిత్రమైన స్థలంలో ఓ చిన్నారి బాలికై పదే పదే అత్యాచారం చేసిన కామాంధుడికి న్యాయస్థానం నలభై ఏళ్ల పాటు జైలు శిక్ష విదించింది. సాధారణంగా జీవిత ఖైదు పడిన దోషులకే 14 ఏళ్ల జైలు శిక్ష పడుతుండగా, ఈ కేసులో దోషికి మాత్రం 40 ఏళ్ల శిక్ష విధించడం సంచలనంగా మారింది. మత ప్రబోధకుడిగా నలుగురికి మంచి మాటాలు చెప్పుతూ, అందరినీ సన్మార్గంలో నడిపించాల్సిన వ్యక్తే, పవిత్రమైన ప్రార్థనామందిరంలో చేయకూడని పనిని పదే పదే చేసి, 12 ఏళ్ల చిన్నారిపై పైశాచిక మృగంలా తెగబడటాన్ని తీవ్రంగా పరిగణించిన న్యాయస్థానం ఆ కామాంధ మృగానికి 40 ఏళ్ల పాటు జైలు శిక్షను విధించింది.

ప్రత్యేక ప్రాసిక్యూటర్ పియూస్ మాథ్యూవ్ తెలిపిన వివరాల ప్రకారం.. కేరళ తిస్సుర్ లోని సాల్వేషన్ ఆర్మీ చర్చిలో సానిల్ కె జేమ్స్ అనే 37 ఏళ్ల వ్యక్తి పాస్టర్ గా విధులు నిర్వహిస్తున్నాడు. అయితే 2014లో చర్చికి వచ్చే ఓ చిన్నారి 12 బాలికపై అతడు కామవాంఛ తీర్చుకున్నాడు. అయితే అదే తప్పుకు పదే పదే పాల్పడ్డాడు. దీంతో ఆగ్రహించిన న్యాయస్థానం సమాజాన్ని సన్మార్గంలో నడిపించాల్సిన స్థానంలో వున్న వ్యక్తి అత్యంత దారుణమైన చర్యలకు పాల్పడిన నేపథ్యంలో వారికి అత్యంత కఠినమైన శిక్ష పడాలని అభిప్రాయపడిందని చెప్పారు.

అందుకనే ఈ కేసులో దోషిగా నిర్థారణ అయిన వ్యక్తికి సాధరణంగా జీవిత ఖైదు కన్నా అధిక కాలం శిక్షను విధించిందని తెలిపారు. ఈ కేసులో చిన్నారులపై అత్యాచారాల నిరోధక చట్టంతో పాటు చిన్నారులపై లైంగిక వేధింపులకు పాల్పడిన రెండు చట్టాల కింది రెండు 20 ఏళ్ల శిక్షలను విధించిన న్యాయస్థానం, దీంతో పాటు 20 వేల జరిమానా కూడా విధించింది. కాగా సదరు పాస్టర్ మరో 13 ఏళ్ల చిన్నారిపై కూడా అత్యాచారానికి పాల్పడ్డాడని అరోపణలపై నమోదైన కేసులో విచారణ కొనసాగుతందన్నారు. న్యాయస్థానం తీర్పుపై కేరళ మహిళా సంఘాలు హర్షం వ్యక్తం చేశాయి.

జి మనోహర్