సిక్కును, ముస్లింలను దించేసిన సిబ్బంది

Posted: 01/20/2016 04:32 PM IST

జాత్యహంకారం మరోసారి బయటపడింది. ఓ సిక్కును, ముస్లింను ఫ్లైట్ నుండి దింపేసిన ఘటన మీద అమెరికాలో చర్చనీయాంశంగా మారింది. దీని మీద ముస్లిం సంఘాలు మండిపడుతున్నాయి. టోరంటో నుండి న్యుయార్క్ వెళ్తున్న ఫ్లైట్ లో కూర్చున్న ఓ సిక్కు మతస్తుడు, ముగ్గురు ముస్లింలను ఫ్లైట్ సిబ్బంది దించేశారు. అసలు తమను ఎందుకు దిగాలని అంటున్నారో కారణం చెప్పాలంటూ అడిగిన వారికి ఫ్లైట్ సిబ్బంది పరుషంగా సమాధానమిచ్చింది. ప్రశాంతంగా ఫైట్ దిగాలని లేదంటే కుదరదు అని బెదిరించారని వారు పరువు నష్టం దావా వేశారు.

షాన్ ఆనంద్, ఫైముల్ ఆలంల పట్ల విమాన సిబ్బంది కఠినంగా వ్యవహరించింది. అయితే ఫ్లైట్ నడుపుతున్న పైలెట్ అన్-ఈజీగా ఫీలవుతున్నారని అందుకే తమను దించుతున్నట్లు వెల్లడించారని వారు దావాలో పేర్కొన్నారు. రిపబ్లిక్ ఎయిర్ వేస్ అనే ఎయిర్ వేస్ వాళ్ల ఫ్లైట్ లో ఈఘటన చోటుచేసుకుంది. అయితే దీని మీద ఎయిర్ వేస్ వాళ్లు మాత్రం ఎలాంటి ప్రకటన చెయ్యలేదు. కాగా షాన్ ఆనంద్ అనే వ్యక్తి మాత్రం విమానంలో తన అనుభవాన్ని గుర్తు చేసుకొని బాధపడ్డారు. ఓ చంటి బిడ్డతో ఉన్న తల్లి తనను చూసి భయపడిందని... ఆమె కళ్లలో భయం కనిపించదని వెల్లడించారు. అయితే తాము చూడడానికి ఓ వర్గానికి చెందిన వారిగా కనిపిస్తున్నందునే తమను ఆమె అలా చూసిందని బాధపడ్డారు.