ప్రధాని నరేంద్ర మోడీ మాత్రమే నాకు న్యాయం చేస్తారు..

Posted: 12/26/2015 03:05 PM IST

Modi should tell me what i have done wrong kirti azad

ఢిల్లీ అండ్ డిస్ట్రిక్ట్ క్రికెట్ అసోసియేషన్ (డీడీసీఏ) వ్యవహారం బీజేపీ, ఆమ్ ఆద్మీ పార్టీల మధ్యే కాకుండా... అంతర్గతంగా బీజేపీలో కూడా చిచ్చు రేపింది. డీడీసీఏ నిధుల దుర్వినియోగంలో కేంద్ర ఆర్థిక మంత్రి అరుణ్ జైట్లీ పాత్ర ఉందని బీజేపీ ఎంపీ, మాజీ క్రికెటర్ కీర్తి అజాద్ ఆరోపించిన నేపథ్యంలో, ఆయనను పార్టీ నుంచి సస్పెండ్ చేశారు. ఈ తరుణలో తనను పార్టీ నుంచి సస్సెండ్ చేయడానికి గల కారణాలను తెలిపాలని ఆయన డిమాండ్ చేస్తున్నారు. తాను డీడిసీఏ విషయంలో.. జరిగిన అవకతవకల విషయంలో అవినీతిపరులపై ఆరోపణలు చేశానే తప్ప.. పార్టీకి వ్యతిరేకంగా ఎలాంటి తప్పను చేయలేదని, అయినా తనను పార్టీ నుంచి ఎందుకు సస్పెండ్ చేశారని కీర్తీ అజాద్ డిమాండ్ చేస్తున్నారు.

ఈ నేపథ్యంలో, ప్రధాని మోదీ అపాయింట్ మెంట్ ను అజాద్ కోరారు. ఈ సందర్భంగా ఆయన మాట్లాడుతూ, 1996 ఎన్నికల సమయంలో తాను మోదీని కలిశానని... అప్పట్లో ఆయన జనరల్ సెక్రటరీగా ఉన్నారని తెలిపారు. అప్పట్లో మోదీతో తనకు మంచి సంబంధాలు ఉన్నాయని కూడా తెలిపారు. అయితే ప్రస్తుతం తన విషయంలో జరిగిన అన్యాయాన్ని మోడీ సరిదిద్దుతారని, తన అభ్యర్థనను విని, తనకు ఆయన న్యాయం చేస్తారనే భావిస్తున్నానని చెప్పారు. కీర్తి అజాద్ ను పార్టీ నుంచి సస్పెండ్ చేయడం పట్ల పార్టీ సీనియర్లు కూడా కొంత అసంతృప్తిగానే ఉన్నారు. కాగా తనకు పార్టీ పంపిన నోటీసుకు ఆయన సమాధానాన్ని ఇచ్చే విషయంలో తన మిత్రుడు సుబ్రహ్మణ్యస్వామి తనకు సాయం చేస్తున్నారని తెలిపాడు

జి. మనోహర్