న్యూఇయర్ ఆఫర్ ప్రకటించిన ఎయిర్ ఏషియా

Posted: 12/25/2015 05:46 PM IST

ప్రముఖ ఎకానమీ ట్రావెలింగ్ విమానయాన సంస్థ ఎయిర్ ఏషియా.. ప్రయాణికులకు శుభవార్తనందించింది. తాము క్రిస్మస్, నూతన సంవత్సరాల కాంపిటీషన్ లో చేరి.. తమ కస్టమర్లకు అత్యంత తక్కువ ధరకే విమానయానాన్ని కల్పించనుంది. క్రిస్మస్, నూతన సంవత్సరాల పర్వదినాలను, సెలవులను పురస్కరించుకొని ప్రయాణికుల కోసం ప్రత్యేక డిస్కౌంట్ ఆఫర్‌ను ప్రకటించింది.

ఇందులో భాగంగా ఎయిర్ ఏషియా సంస్థ ఒకవైపునకు గానూ గోవా, కొచ్చి, గువాహతి, ఇంపాల్ వంటి ప్రాంతాలకు రూ. 1,269 నుంచి టికెట్లు ఆఫర్ చేస్తున్నట్లు కంపెనీ తెలిపింది. కౌలాలంపూర్-బ్యాంకాక్‌కు రూ. 2,999 నుంచి టికెట్‌ను ఆఫర్ చేస్తోంది. ఇప్పటి నుంచి జనవరి 3 వరకు బుకింగ్ చేసుకున్న వారు  జనవరి 10 నుంచి జూన్ 30 మధ్యకాలంలో ఎప్పుడైనా ప్రయాణించవచ్చని పేర్కొంది.