కుమారి అడుతుంది.. కానీ వారికే ఇబ్బందులు తెచ్చిపెట్టింది..

Posted: 12/12/2015 04:23 PM IST

కుమారి 21 ఎఫ్’ మూవీ చిక్కుల్లో పడిందా? ఇందులో మహిళలను కించపరిచేలా సన్నివేశాలున్నాయా అంటే అవుననే అంటున్నారు  సామాజిక కార్యకర్త శ్రీనివాస్. ఈ మేరకు ఆయన మానవ హక్కుల కమీషన్ (హెచ్‌ఆర్‌సీ)లో ఫిర్యాదు చేశారు. మహిళల పట్ల అసభ్యకర తీరుతో తీసిని ఈ సినిమాను తక్షణం నిషేధించి.. నిర్మాత సుకుమార్, డైరెక్టర్ సూర్య ప్రతాప్, హీరో రాజ్ తరుణ్‌లపై కేసులు నమోదు చేయాలని ఆయన తన పిటీషన్ లో పేర్కొన్నారు.

శ్రీనివాస్ దాఖలు చేసిన పిటీషన్ ను విచారించిన మానవ హక్కుల కమీషన్, ఫిబ్రవరిలోగా ఈ చిత్రంపై మోపబడ్డ అభియోగాలపై నివేదిక ఇవ్వాలని హైదరాబాద్ పోలీసు కమిషనర్‌ను ఆదేశించింది. టాలీవుడ్‌లో తక్కువ బడ్జెట్‌తో తెరకెక్కించిన ఈ సినిమా రీసెంట్‌గా విడుదలైంది. డైరెక్టర్ సుకుమార్ నిర్మాతగా మారిన ఈ చిత్రం బాక్సాఫీసు వద్ద కాసులను బాగానే రాబట్టింది. విడుదలైన అన్ని సెంటర్స్‌లోనూ హౌస్‌ఫుల్ కలెక్షన్లతో నడుస్తోంది.  మరి హెచ్‌ఆర్‌సీకి పిర్యాదు నేపథ్యంలో ఈ చిత్రం ఎలా నిలదోక్కకుంటుందో వేచి చూడాలి.

జి. మనోహర్