అపరేషన్ చేయించుకున్న ఆ వ్యక్తికి 2.5 కోట్లు చెల్లింపు..! ఎందుకో తెలుసా..?

Posted: 11/26/2015 04:25 PM IST

ఆపరేషన్‌ కోసం వచ్చిన ఓ పేషెంట్‌ వద్ద నిర్లక్ష్యంగా వ్యవహరించిన వైద్యులు.. అందుకు భారీ మూల్యం చెల్లించనున్నారు. వెసక్టమీ ఆపరేషన్‌ కోసం వచ్చిన ఓ వ్యక్తి వృషణాన్ని గాయపరిచి.. మూడు నెలలపాటు అతను నరకయాతన అనుభవించేలా చేశారు. అతను కోర్టును ఆశ్రయించడంతో.. 2.5 కోట్లు నష్టపరిహారంగా చెల్లించవలసిందిగా సదరు హాస్పిటల్‌ను జడ్జి ఆదేశించారు. ఫార్మింగ్‌టన్‌లోని యూకాన్‌ హెల్త్‌ సెంటర్‌కు 2013లో ఓ 42 ఏళ్ల వ్యక్తి ఫ్యామిలీ ప్లానింగ్‌ ఆపరేషన్‌ (వెసక్టమీ) కోసం వచ్చాడు. అతనికి ఆపరేషన్‌ చేస్తున్న క్రమంలో వృషణానికి రక్తం సరఫరా చేసే నాళాలను కత్తిరించేసి ఇంటికి పంపించేశారు అక్కడి వైద్యులు.

అనంతరం వృషణాల్లో విపరీతమైన నొప్పి రావడంతో ఆ వ్యక్తి వేరే హాస్పిటల్‌కు వెళ్లాడు. వృషణాలకు రక్తం సరఫరా చేసే నాళాలను కత్తిరించేశారని, వృషణాన్ని తొలగించాల్సిందేనని అక్కడి వైద్యుడు చెప్పాడు. దాంతో చేసేదేం లేక వృషణాన్ని తొలగించుకున్న ఆ వ్యక్తి యూకాన్‌ హెల్త్‌ సెంటర్‌ నిర్వాకంపై కోర్టును ఆశ్రయించాడు. ఆ కేసు ఇటీవల విచారణకు రావడంతో జడ్జి కేసును పరిశీలించి సదరు హాస్పిటల్‌ను దోషిగా తేల్చారు. యూకాన్‌ హాస్పిటల్‌ ఆ వ్యక్తికి దాదాపు 2.5 కోట్ల రూపాయలు నష్టపరిహారంగా చెల్లించాలని ఆదేశించారు.

జి. మనోహర్