https://www.teluguwishesh.com/
congress leader shankar rao comments on congress defeat in warangal by election
వరంగల్ లోక్ సభ ఉప ఎన్నికల్లో ఓటమిపై, గత ఎన్నికలలో సాధించిన మెజారిటీ తగ్గిపోవడంపై కాంగ్రెస్ స్పందించేందుకు మీనమేషాలు లెక్కిస్తున్న తరుణంలో.. మీడియా ముందుకు వచ్చిన ఓ సీనియర్ నేత.. ఏంటేంటీ.. వరంగల్ ఉప ఎన్నికలో ఓడింది కాంగ్రెస్ పార్టీ కాదు.. అభ్యర్థి సర్వే సత్యనారాయణ అని కుండ బద్దలు కోట్టారు. ఇంతకీ ఆయన ఎవరు..? అనుకుంటున్నారా..? అయన మాజీ మంత్రి, సీనియర్ నేత శంకర్రావు. సీఎం కిరణ్ కుమార్ క్యాబినెట్ లో మంత్రి సేవలందించిన శంకర్ రావు.. ఆ తరువాత తన ఛాంబర్ లో కుర్చీలు టేబుళ్లకు డబ్బులు ఇవ్వలేదని కిందే కూర్చోని నిరసన తెలిపిన స్వపక్ష ప్రతిపక్ష నేత... గుర్తుకోచ్చారా..? ఓ హౌసింగ్ సోసైటీ తాలుకు భూమిని కబ్జా చేశారంటూ ఆయనపై కేసులు గట్రా పెట్టి లుంగీపైన ఆయనను పోలీసులు తీసుకెళ్లి మరీ అరెస్టు చేశారు. ఆ నేత ఇన్నాళ్లు మళ్లీ మీడియా ముందుకు వచ్చి.. వరంగల్ ఉప ఎన్నికలో ఓడింది కాంగ్రెస్ కాదని సర్వేనని చెప్పారు.
తాను సిట్టింగ్ ఎంపీగా వున్నా.. తనకు గత ఎన్నికలలో టిక్కెటు రానీయకుండా అడ్డుపడిన సర్వే సత్యనారాయణపై ఆయన కసి తీర్చుకునే అవకాశం కోసం ఏడాదిన్నరగా ఎదురుచూస్తున్నారు. అయితే ఆ సమయం రానే వచ్చింది. వరంగల్ ఉప ఎన్నికలలో ఆయన ఓటమిపాలవ్వడంతో మైక్ ముందరకు వచ్చాడు శంకర్ రావు. ఆయనేమన్నారంటే..సర్వే స్థానికుడు కాకపోవడం వల్లే అతడిని ప్రజలు ఓడించారన్నారు. గత ఏడాది మల్కాజ్ గిరి నుంచి పోటీ చేసిన సర్వే సత్యనారాయణకు డిపాజిట్ కూడా దక్కలేదని శంకర్రావు ఈ సందర్భంగా గుర్తు చేశారు. ఇక వరంగల్ లో ఎలా గెలుస్తాడు,. అన్న విషయం మీరే చెప్పాంటూ ఆయన మీడియాను ప్రశ్నించారు. సర్వే స్థానంలో స్థానిక నేత రంగంలోకి దిగివుంటే పరిస్థితి మారోలా వుండేదని శంకర్ రావు అభిప్రాయపడ్డారు. ఈ ఉపఎన్నికలో కాంగ్రెస్‌కు 1,56,311 ఓట్లు మాత్రమే వచ్చాయని.. గత సాధారణ ఎన్నికల్లో వచ్చిన ఓట్ల కంటే ఈ ఉప ఎన్నికలో కాంగ్రెస్‌కు లక్షకుపైగా ఓట్లు తగ్గడానికి కూడా కారణం అదేనని శంకర్ రావు వ్యాఖ్యానించారు.
జి. మనోహర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
