ITEMVIDEOS: క్షుద్ర పూజల కోసం కన్న బిడ్డనే బలిచ్చారు

Posted: 11/23/2015 11:17 AM IST

కాలం మారుతోంది.. గతంలో మాయ మంత్రాలకు బాగా బానిసలైన వాళ్లు ఇప్పుడు వాటిని నమ్మడం లేదు. మారుతున్న సైన్స్ అండ్ టెక్నాలజీతో వారిలో కూడా మార్పులు వస్తున్నాయి. అయితే చాలా గ్రామాల్లో ఇంకా మూఢనమ్మకాలను వదలని చాలా మంది చాదస్తం చూపిస్తున్నారు.. మూడనమ్మకాల ముసుగులో చేస్తున్న తప్పులు వారిని పెదదారి పట్టిస్తోంది. మామూలుగా క్షుద్ర పూజలు చేసే వారు అంటేనే కాస్త. భయంకరమైన ఆలోచనలు కలిగి ఉంటారు. వారు బలి ఇవ్వాలి లేదంటే బలి తీసుకోవాలి అన్న ఆలోచనలతో ఉంటారు. అయితే తాజాగా వెలుగులోకి వచ్చిన ఘటన అందరికి ఆశ్చర్యం.. కోపం తెప్పిస్తున్నాయి. క్షుద్ర పూజల కోసం అంటూ తమ సొంత బిడ్డను అది కూడా మూడు నెలల చిన్నారిని తమ చేతులతొ బలిచ్చిన ఘటన ఒంగోలులో చోటుచేసుకుంది.

క్షుద్ర పూజల కోసం కన్న బిడ్డను బలిచ్చిన తల్లిదండ్రులను ఎవరైనా చూశారా..? కానీ అది జరిగింది. ప్రకాశం జిల్లా ఒంగోలులో ఈ దారుణం వెలుగులోకి వచ్చింది. తమ బిడ్డ అన్న విషయాన్ని మరిచారు.. మాతృత్వాన్ని, మానవత్వాన్ని మరిచిన వారు బిడ్డను చంపి బలి అంటూ క్షుద్ర పూజలు చేశారు. ప్రకాశం జిల్లా ఒంగోలు పట్టణంలోని మదర్‌థెరిస్సా కాలనీకి చెందిన సద్ది రాజిరెడ్డి అలియాస్ దెయ్యాల రాజిరెడ్డి జాతకాలు చెబుతుంటాడు. రాజిరెడ్డి ఓ మహిళతో కొన్ని రోజులుగా సహజీవనం చేస్తున్నాడు. వారికి మూడు నెలల బాబు ఉన్నాడు. చిన్నారిని హత్య చేసి ఇంట్లోనే పూడ్చిపెట్టి క్షుద్రపూజలు చేస్తున్నారని స్థానికులు పోలీసులకు సమాచారం అందించారు.ఈ ఉదయం పోలీసులు మృతదేహాన్ని వెలికితీసి రాజిరెడ్డి దంపతులను అదుపులోకి తీసుకున్నారు. కేసు నమోదు చేసి దర్యాప్తు చేస్తున్నారు.