బలవంతంగా ముద్దు పెట్టాడు.. ఇలా ఇరుకున్నాడు..!

Posted: 11/13/2015 08:01 AM IST

పాఠశాల విద్యార్థిని పట్ల అసభ్యంగా వ్యవహరించిన ఓ కామాంధుడికి తగిన శాస్తి జరిగింది. విద్యార్థినిని బలవంతంగా ముద్దు పెట్టుకున్న కేసులో నిందితుడికి న్యాయస్థానం 10 సంవత్సరాల జైలుశిక్ష విధించింది. దీంతో పాటు రూ.5వేల జరిమానా విధించిందని ఎస్‌ఆర్‌నగర్ ఇన్స్‌పెక్టర్ పి.సతీష్ తెలిపారు. వెంగళరావునగర్‌లోని నలంద పాఠశాలలో క్లర్క్‌గా పనిచేసే హరగోపాల్ డిసెంబర్ 2014న పాఠశాలకు చెందిన ఓ విద్యార్థినిని పట్టుకుని బలవంతంగా ముద్దు పెట్టుకున్నాడు.

బాలిక తల్లిదండ్రులు ఇచ్చిన ఫిర్యాదు మేరకు క్లర్క్ హరగోపాల్ పై కేసు నమోదు చేసిన పోలీసులు.. 376, పోక్స్‌యాక్ట్ సెక్షన్ కింద కేసు నమోదు చేసి న్యాయస్థానం ముందు హాజరుపర్చారు. 11 నెలల వ్యవధి పాటు విచారణ జరిపిన నాంపల్లి సిటీసివిల్ కోర్టు న్యాయమూర్తి ఈ మేరకు తీర్పు వెలువరించారు. విద్యార్థి తరపున పబ్లిక్ ప్రాసిక్యూటర్ కె.ప్రతాప్‌రెడ్డి వాదనలు వినిపించారని ఇన్స్‌పెక్టర్ తెలిపారు. 1వ తరగతి అదనపు మెట్రోపాలిటన్ సెషన్స్ జడ్జి నిందితుడు హరగోపాల్ కేసును విచారించి అతడికి పదేళ్ల జైలుశిక్ష, రూ. 5వేల జరిమానా విధిస్తూ తీర్పునిచ్చారన్నారు.

జి. మనోహర్