కోడలితో అక్రమసంబంధం.. తండ్రిని చంపిన కొడుకు!

Posted: 11/03/2015 01:26 PM IST

Ashokan killed his father tangaraju for having illegal affair with his wife revathi

కోరిక... బంధాల్ని మరిపించేస్తోంది. కామం.. కోరికల్ని అదుపులో పెట్టుకోనివ్వకుండా చేస్తోంది. ఈ రెండు జతై మనిషిని ఆవేశానికి గురి చేస్తున్నాయి. ఆ ఆవేశంతో వారివరసలను ఏమాత్రం చూడకుండా అక్రమ సంబంధాలు పెట్టుకుంటున్నారు. అది తప్పని తెలిసినప్పటికీ వెనక్కు తగ్గడం లేదు. అందుకే.. నేటి ఆధునిక యుగంలో అక్రమ సంబంధాలు పెచ్చుమీరిపోతున్నాయి. ఇందుకు ఉదాహరణగా ఇప్పటికే ఎన్నో ఘటనలు జరగగా.. తాజాగా సభ్యసమాజం తలదించుకునేవిధంగా మరో దారుణం వెలుగు చూసింది. కూతురితో సమానమైన కోడలితో మామ అక్రమసంబంధం కొనసాగిస్తుండగా.. అది చూసి తట్టుకోలేకపోయిన కొడుకు తన తండ్రిని చంపేశాడు. అలాగే.. తన భార్యను చిదకబాదేశాడు. ఈ ఘటన నామక్కల్‌ జిల్లా మోగినికాడు పుదువలవు ప్రాంతంలో చోటు చేసుకుంది.

పుదువలస ప్రాంతంలో అశోకన్‌ (32), రేవతి (24) అనే దంపతులు నివశిస్తున్నారు. వీరికి వీరికి ఇద్దరు పిల్లలు ఉన్నారు. వీరితోపాటు అశోకన్ తండ్రి తంగరాజు (52) కూడా నివశిస్తున్నాడు. అయితే, అశోకన్‌ లారీ డ్రైవర్‌ కావడంతో విధులకు వెళ్లి రెండు మూడు రోజులకుగాని ఇంటికి తిరిగి వచ్చేవాడు కాదు. ఈ నేపథ్యంలో కోడలితో తంగరాజుకు వివాహేతర సంబంధం ఏర్పడింది. కొన్నాళ్లు తమ బంధాన్ని అశోకన్ కు తెలియకుండా గుట్టుగానే సాగించారు. కానీ.. ఆ తర్వాత ఈ విషయం అశోకన్ కి తెలిసిపోయింది. తొలుత కోపంతో రగిలిపోయిన అశోకన్.. అనంతరం శాంతించి ఇద్దరిని మందలించాడు. అలా చేయడం తప్పని ఓసారి క్లాస్ పీకి వదిలేశాడు. ఆ విధంగా అశోకన్‌ ఇద్దరినీ తీవ్రంగా మందలించినా ఫలితం లేకపోయింది. మామకోడళ్లు తిరిగి తమ బంధాన్ని కొనసాగించడం మొదలుపెట్టారు. ఈ క్రమంలోనే... శుక్రవారం అర్థర్రాతి విధుల నుంచి ఇంటికొచ్చిన అశోకన్‌కు తన గదిలో తండ్రి, భార్య కనిపించడంతో ఆగ్రహం కట్టలు తెంచుకుంది. దీంతో వంట గదిలో ఉన్న సౌక కట్టెతో ఇద్దరిపై దాడి చేశాడు.

ఈ దాడిలో తంగరాజు తీవ్రంగా గాయపడి ప్రాణాలు కోల్పోగా, భార్య రేవతి తీవ్రంగా గాయపడి ప్రాణభయంతో పరుగులు పెట్టింది. తండ్రి మృతి చెందాడన్న విషయం తెలుసుకున్న అశోకన్ అక్కడ నుంచి పారిపోయాడు. ఈ విషయం తెలుసుకున్న వాళవందినాడు పోలీసులు కేసు నమోదు చేసుకుని అటవీ ప్రాంతంలో దాగిన అశోకన్‌ను అరెస్టు చేశారు.