అమెరికా ప్రముఖ పాప్ సింగర్ ఆడమ్ లెవైన్ సరిగ్గా రెండు వారాల క్రితం ఆ చిట్టి హృదయాన్ని ఎంతో గాయపర్చారు. తన బాయ్ ఫ్రెండ్గా భావిస్తూ, తాను ఎంతగానో ప్రేమిస్తున్న ఆడమ్ లెవైన్ పెళ్లి చేసుకున్నాడనే వార్త విని ఆ చిట్టి హృదయం తట్టుకోలేక తల్లడిల్లిపోయింది. ‘నో....నో....హి డిడ్నాట్...’ అంటూ వెక్కి వెక్కి ఏడ్చింది. ఆ చిట్టి హృదయం నిజంగా చిట్టి పాపదే. ముచ్చటగా మూడేళ్ల పాప మిలాదే! మరూన్-5 బ్యాండ్తో పాపులరయిన 36 ఏళ్ల ఆడమ్ లెవైన్ను మన మూడేళ్ల మిలా నిజంగా ఎప్పుడూ చూడలేదు. టీవీలో ఆయన పాటలు వినడం మిలాకు ఇష్టం. ముద్దు ముద్దుగా తన మమ్మీకి తన బాయ్ ఫ్రెండ్ అని చెప్పుకుంది.
రెండు వారాల క్రితం ఓ రోజున తన తల్లి ఎమిలీతో కలసి కారులో షికారుకు వెళ్లింది. అలా వెళుతుండగా ఆడమ్ పెళ్లి చేసుకున్నట్టు రేడియోలో ఎమిలీ వార్త విన్నది. ఆ విషయాన్ని ఎమిలీ తన కూతురికి చెప్పింది. నిజమా....! అంటూ ముందుగా ఆశ్చర్యపోయిన మిలా అంతలోనే ఏడుపందుకుంది. ఆడమ్ పెళ్లి వార్త వింటే కూతురు ఎలా స్పందిస్తుందో చూద్దాం అనుకున్న ఎమిలీ కూతురు రియాక్షన్ను తన సెల్లో రికార్డు చేసింది. ఆ వీడియోను ఎమిలీ ‘యూట్యూబ్’లో పోస్ట్ చేయగా ఇప్పటికే యాభై లక్షల మంది వీక్షకులు చూశారు. అయ్యో! పాప అంటూ సానుభూతి కూడా కురిపించారు. ఈ వీడియో టీవీ ఛానళ్లతోపాటు పాప్ సింగర్ ఆడమ్ లెవైన్ను కూడా ఎంతో ఆకర్షించింది. ‘ఎలెన్ట్యూబ్’ అనే అమెరికా టీవీ ఛానెల్ ఓ రియాలిటీ షోలో భాగంగా శుక్రవారం నాడు ఆడమ్ను, ఆయనపై మనసు పారేసుకున్న మిలా, ఆమె తల్లి ఎమిలీని ఓ వేదికపైన కలిపింది.
రియాలిటీ షోలో భాగంగా హఠాత్తుగా వేదికపైకి గులాబీ పూవు పట్టుకొని వచ్చిన ఆడమ్ మ్యారేజ్ ప్రతిపాదన తరహాలో ఆపాపకు గులాబీ పూవు ఇచ్చి అక్కున చేర్చుకున్నారు. అనంతరం ఆడమ్ చర్చలో పాల్గొంటూ ‘ఎంతో మంది అభిమానులు ఈ పాప వీడియో క్లిప్పింగ్ను నాకు పంపించారు. ముందుగా ఇద్దరు...ఒకరు నా భార్య, సారీ...సారీ...ఇయర్మఫ్స్ (ఓరకంట పాపను గమనిస్తూ), నా తల్లి పంపించింది. వెరీ క్యూట్ గర్ల్. క్యూట్ రియాక్షన్’ అని అన్నారు. ఆ మాటలక ఆ పాప తన తల్లి ఒడిలోకి సిగ్గుతో ఒదిగి పోయింది. కార్యక్రమం అంతటా ఆ పాప ముభావంగానే కనిపించింది. తన బాయ్ ఫ్రెండ్ పెళ్లి చేసుకున్నారనే ఒక రకమైన బాధ ఆ పాపలో కనిపించింది. వయసొచ్చిన వారు, వయస్సు మీద పడిన వారు ఒకరినొకరు ప్రేమించుకోవడాన్ని ‘ప్లేటోనిక్ లవ్’ అంటాం. ఏమీ తెలియని ఈ పాప ‘లవ్’ను ఏమనాలో!
జి. మనోహర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more