ప్రపంచ అత్యధిక వయస్సు గల కురువృద్దుడు కన్నుమూత

Posted: 07/07/2015 09:39 PM IST

ప్రపంచంలోనే అత్యధిక వయస్సు కలవానిగా గుర్తింపు పొందిన సకారీ మోమోయ్(112) అనే జపాన్ కురువృద్దుడు ఇవాళ తనువు చాలించాడు. ఈ మేరకు మంగళవారం జపాన్ మీడియాలో కథనాలు వచ్చాయి. 1903లో ఫుకుషిమాలో జన్మించిన సకారీ పేరు 2014 ఆగస్టులో ప్రపంచంలోనే అత్యంత వృద్ధుడిగా గిన్నీస్ బుక్ ఆప్ వరల్డ్ రికార్డ్‌లో నమోదైంది. సకారీ గతంలో ఉపాధ్యాయునిగా పనిచేశాడు. తన చివరి రోజుల్లో ఒక దస్తూరిగా పనిచేశాడు. అంతేకాకుండా ఆస్పత్రిలో నిర్వహించే వినోద కార్యక్రమాల్లో పాల్గొనేవాడు.

సకారీ తన చివరి గడియల్లో మరో రెండు సంవత్సరాలు బ్రతకాలని ఆశగా ఉందన్నాడు. అయితే తాను ఒకటి తలిస్తే.. దైవం మరొకటి తలచిందన్నట్లు.. అతని ఆశ నెరవేకుండానే కన్నుమూశారు.  సకారీ మృతిచెందడంతో అతని స్థానంలో 1903 మార్చిలో జన్మించిన జపాన్‌కు చెందిన యసుతారో కొయిదే(112) ప్రపంచ అథ్యధిక వయస్సు కలవారిగా రికార్డులకెక్కాడు. కాగా, ఇప్పటి వరకూ అత్యధిక కాలం జీవించిన వ్యక్తిగా యూఎస్‌కు చెందిన సుసన్న ముషత్ జాన్స్(116) పేరు రికార్డల్లోనమోదైంది.

జి. మనోహర్