ఏపీలో 12 ఎమ్మెల్సీ స్థానాలకు నోటఫికేషన్ జారీ..

Posted: 06/02/2015 09:58 PM IST

ఆంధ్రప్రదేశ్ రాష్ట్రంలో స్థానిక సంస్థల కోటాలో 12 ఎమ్మెల్సీ స్థానాలకు సంబంధించి మంగళవారం ఎన్నికల షెడ్యూల్ జారీ అయింది. ఈ నెల 9న స్థానిక సంస్థల కోటా ఎమ్మెల్సీ ఎన్నికల నోటిఫికేషన్ విడుదల చేయనున్నారు. జూన్ 9 నుంచి 16 వరకు నామినేషన్లు స్వీకరణ జరగనుంది. అలాగే జూన్ 17న నామినేషన్లను పరిశీలన.. 19 వరకు నామినేషన్ల ఉపసంహరణ గడువు విధించారు. అనంతరం జూలై 3న పోలింగ్ జరిపి, జూలై 7న ఓట్ల లెక్కింపు జరపనున్నారు.

ఈ ఎన్నికల నేపథ్యంలో ఆంధ్రప్రదేశ్లో ఎన్నికల కోడ్ అమలులోకి రానుంది. ఏపీలో స్థానిక సంస్థల కోటాలో ఎమ్మెల్సీ ఎన్నికలు జరిగే స్థానాలు ఇలా ఉన్నాయి.. అనంతపురం -1, కృష్ణా -2, తూర్పుగోదావరి జిల్లా-1, గుంటూరు -2, విశాఖపట్నం -2, విజయనగరం -1, చిత్తూరు-1, ప్రకాశం -1, కర్నూలు-1 స్థానాల్లో ఎన్నికలు జరగనున్నాయి. ఇదిలా ఉండగా, తెలంగాణలో స్థానిక ఎమ్మెల్సీ స్థానాల పునర్విభజన షెడ్యూల్ మరింత ఆలస్యం కానున్నట్టు తెలుస్తుంది.
.
జి.మనోహర్