టీఆర్ఎస్ పార్టీ తమ ఇతరత్రా అవసరాలకు ఓయూ భూములను వినియోగించుకుంటోదన్న వార్తలు వచ్చిన నేపథ్యంలో ఏపీ సీఎం చంద్రబాబు ఘాటుగా స్పందించారు. ఉస్మానియా యూనివర్సిటీ భూములు విద్యార్థులకే చెందాలని, వాటిపై హక్కు వారిదేనని పేర్కొన్న బాబు.. ఆ భూములను పరాధీనం చేస్తే టీడీపీ ఊరుకోదని స్పష్టం చేశారు. టీడీపీ ఎంతో ప్రతిష్టాత్మంగా నిర్వహిస్తున్న ‘మహానాడు’ కార్యక్రమంలో భాగంగా ఈ విధంగా బాబు టీఆర్ఎస్ పార్టీని హెచ్చరించారు.
టీటీడీపీ వర్కింగ్ ప్రెసిడెంట్ ఎర్రబెల్లి దయాకరరావు చర్చను ప్రారంభిస్తూ.. ఓయూ భూములను పక్కా ఇళ్ల నిర్మాణ అవసరాలకు వినియోగించాలన్న టీఆర్ఎస్ ప్రభుత్వ యోచనను తప్పుబట్టారు. ఇక ఈ వ్యవహారంపైనే చంద్రబాబు స్పందిస్తూ.. ‘గతంలో ఉస్మానియా భూములను కబ్జా చేయాలని చూశారు. దాన్ని అడ్డుకున్నాం. అలాగే ఓ సీఎం వ్యవసాయ యూనివర్సిటీ భూములను ఫ్లైఓవర్ నిర్మాణానికి ఇవ్వాలని చూశారు. కానీ వ్యతిరేకత రావడంతో ఆగిపోయారు. హైదరాబాద్లో భూములను రక్షించిన చరిత్ర మనదే. ఉస్మానియా విద్యార్థులు చాలా త్యాగాలు చేశారు. ఓయూ భూములు విద్యార్థులకే చెందాలి. ఇతరత్రా అవసరాలకు వినియోగించడం సరికాదు. దాన్ని టీడీపీ తీవ్రంగా వ్యతిరేకిస్తుంది’ అని ప్రకటించారు.
ఓయూ భూములు సహా టీఆర్ఎస్ ప్రభుత్వ పాలనా వైఫల్యాలపై ప్రవేశపెట్టిన తీర్మానాన్ని మహానాడులో ఏకగ్రీవంగా ఆమోదించారు. ‘టీఆర్ఎస్ అప్రజాస్వామిక అస్తవ్యస్థ ప్రభుత్వ పాలన’ పేరుతో తీర్మాన్ని ప్రవేశపెట్టారు. ఈ క్రమంలోనే మాట్లాడిన బాబు.. ‘తెలంగాణ వచ్చేసింది. తెలంగాణను పాలించమని ప్రజలు మీకు అధికారమిస్తే బంగారు తెలంగాణ పేరుతో సొంత కుటుంబాన్ని బంగారంగా మార్చుకుంటున్నారు. ప్రజల సమస్యలను పట్టించుకోకుండా యూనివర్సిటీ స్థలంలో పేదలకు ఇళ్లు కట్టిస్తానని సరికొత్త సమస్యలను సృష్టిస్తూ విద్యార్థి లోకంలో అలజడి సృష్టిస్తున్నారు’ అని పేర్కొన్నారు. మరి.. ఈ విషయంపై టీఆర్ఎస్ ఎలా స్పందిస్తుందో వేచి చూడాల్సిందే!
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more