దాదాసాహెబ్ ఫాల్కే అవార్డును అందుకున్న అలానాటి మేటి నటుడు శశికపూర్

Posted: 05/10/2015 01:11 PM IST

Veteran actor shashi kapoor receives dadasaheb phalke award

బాలీవుడ్ గత తరం ప్రముఖ నటుడు శశికపూర్ దాదాసాహెబ్ ఫాల్కే పురస్కారాన్ని అందుకున్నారు. ఇవాళ ముంబైలో జరిగిన ఓ కార్యక్రమంలో కేంద్ర ఆర్థిక శాఖ మంత్రి అరుణ్ జైట్లీ నటుడు శశికపూర్ ఈ అత్యున్నత పురస్కారాన్ని ప్రదానం చేశారు. ఆదివారం పశ్చిమ ముంబైలోని ఫృధీ థియేటర్లో జరిగిన ప్రత్యేక కార్యక్రమంలో శశికపూర్కు అరుణ్ జైట్లీ ఈ అవార్డును అందజేశారు. ఈ కార్యక్రమానికి శశికపూర్ కుటుంబ సభ్యులతో పాటు బాలీవుడ్ ప్రముఖ నటీనటులు భారీ సంఖ్యలో హాజరయ్యారు.

2013 ఏడాదికిగాను కేంద్ర ప్రభుత్వం శశికపూర్కు ప్రతిష్టాత్మక దాదాసాహెబ్ ఫాల్కే పురస్కారాన్ని ప్రకటించిన విషయం తెలిసిందే. గత నెల మూడున రాష్ట్రపతి ప్రణ్ ముఖర్జీ చేతులు మీదుగా అందుకోవాల్సిన ఈ అవార్డును తీవ్ర అనారోగ్యం కారణంగా ఢిల్లీకి వెళ్లలేకపోయారు. ఈ నేపథ్యంలో తాను పురస్కారం అందుకోవడానికి న్యూఢిల్లీ రాలేనని ఆయన కేంద్ర ప్రభుత్వానికి తెలిపారు. దాంతో ఆదివారం కేంద్రమంత్రి అరుణ్ జైట్లీ చేతుల మీదగా శశికపూర్ దాదా ఫాల్కే పురస్కారం అందుకున్నారు.

2011లో శశికపూర్కు కేంద్ర ప్రభుత్వం పద్మభూషణ్ పురస్కారంతో సత్కరించిన విషయం విదితమే. 1961 లో ధర్మపుత్ర చిత్రం నుంచి ప్రధాన పాత్రలలో నటించిన శశికపూర్ నాలుగేళ్ల వయస్సు నుంచే నాటకాలలో రాణించారు. 60, 70. 80 దశకం మధ్య వరకు అనేక చిత్రాలలో నటించిన శశికపూర్ మొత్తంగా 116 చిత్రాలలో ప్రధాన ప్రాత పోషించారు. ఆయన చిత్రాలలో దీవర్, కబి కబి, నమక్ హలాల్, కాల ఫత్తర్, తదితర చిత్రాలు అప్పట్లో సంచలనం సృష్టంచాయి

జి. మనోహర్