వధవరులున్నా.. పీటల మీద పెళ్లి అగిపోయింది..

Posted: 05/08/2015 10:27 PM IST

Marriage stopped at last movement in tirumala

పవిత్ర పుణ్యక్షేత్రం, కలియుగ వైకుంఠం.. తిరుమల తిరుపతి దేవస్థానం కొండ మీద శ్రీవారి సాక్షిగా ఒక్కటవుదామనుకున్నారు ఆ జంట. వాళ్లు ఇద్దరూ వైద్యులు.. ప్రేమించుకున్నారు. మరికాసేపట్లో మూడు ముళ్లు పడి ఒక్కటవ్వాల్సిన జంటను దీవించేందుకు ఇరువైపుల వారి తల్లిదండ్రులు కూడా వున్నారు. అయితే పెళ్లి పీటలు ఎక్కాల్సిన ఈ పెళ్లి చివరిక్షణంలో ఆగిపోయింది. ఎందుకిలా..? ఇద్దరు బాగా చదువుకున్నారు..? వైద్యులంటున్నారు.. మరెందుకు అగిపోయింది..? కట్నం కోసమా..? చివరి నిమిషంలో వధువు తల్లిదండ్రులను వరుడు కట్నం కోసం వేధించడంతో నిలిచిపోయిందా..? అంటూ అనుమానాలు వ్యక్తచేయకండీ.. అసలు జరిగిందేంటంటే..

కర్ణాటక రాష్ట్రంలోని కోలార్‌కు చెందిన అనిల్(34), కవిత(28) వైద్యులుగా పనిచేస్తున్నారు. వీరిద్దరు గత కొన్నేళ్లుగా ప్రేమించుకుంటున్నారు. ఈ క్రమంలో ఏడుకొండల స్వామి సాక్షిగా వీరిద్దరు ఏడడుగులు నడవాలనుకున్నారు. శుక్రవారం మంచి ముహుర్తం ఉండటంతో టీటీడీ పౌరోహిత సంఘంలో వివాహం కోసం దరఖాస్తు చేసుకున్నారు. టీటీడీ నిబంధనల ప్రకారం తిరుమలలో వివాహం చేసుకోవాలంటే తల్లిదండ్రుల అంగీకార పత్రాలు తప్పనిసరి. కాగా.. వధువు కవిత తరపున పెద్దలు ఈ పెళ్లికి నిరాకరించడంతో నకిలీ పత్రాలు సృష్టించి దొంగ తల్లిదండ్రులతో పెళ్లి తతంగాన్ని ముగించాలనుకున్నారు. అయితే చివరి నిమిషంలో ఈ విషయం బయటకు పోక్కడంతో కవిత తల్లిదండ్రులతో పాటు పోలీసులు రంగప్రవేశం చేశారు. దాంతో పెళ్లి పంచాయతీ పోలీస్ స్టేషన్కు చేరింది. కాగా.. గతంలో కవితకు వేరే వ్యక్తితో వివాహం అయినట్లు తెలుస్తోంది.
.

జి.మనోహర్