గతకొన్నాళ్ల నుంచి క్యాన్సర్ వ్యాధితో బాధపడుతున్న ప్రముఖ నిర్మాత, మూవీ మొఘల్ డాక్టర్ డి.రామానాయుడు.. బుధవారం (18-02-2015) మధ్యాహ్నం తుదిశ్వాస విడిచిన విషయం తెలిసిందే! ఈ విధంగా ఈయన ఆకస్మికంగా మృతిచెందడంపై యావత్ టాలీవుడ్ తీవ్ర దిగ్భ్రాంతి వ్యక్తం చేసింది. మొన్నటివరకు ఉత్సాహంగా వుంటూ అందరితోనూ స్నేహాపూర్వకంగా వున్న ఆయన.. ఇలా హఠాన్మరణం పొందుతారని భావించలేదని ప్రముఖులు పేర్కొన్నారు. ఈ నేపథ్యంలోనే నటుడు, డాక్టర్ రాజశేఖర్ కూడా ఆవేదన వ్యక్తం చేస్తూ.. ఆయనతో గడిపిన క్షణాలను గుర్తు చేసుకున్నారు.
ఓ డాక్టర్ గా తాను రామానాయుడుగారికి మూడు నెలల నుంచి ట్రీట్ మెంట్ చేస్తున్నట్లుగా రాజశేఖర్ తెలిపారు. ఈ మూడు నెలల్లో ఆయనకు తాను ఎంతో దగ్గరయ్యానని చెప్పారు. ఆయనకు మెడిసిన్స్ ఇచ్చినప్పుడల్లా ఎంతో యాక్టివ్ గా వుండేవారని, చురుకుగా అన్ని వ్యవహారాల్లో పాలుపంచుకునేవారని తెలిపారు. ‘‘స్టూడియో ఎలా వుంది? అక్కడ షూటింగ్ జరుగుతోందా..? ఓసారి వెళ్లా రావాలి..? అని ఆయన తాపత్రయపడేవారని రాజశేఖర్ గుర్తుచేసుకున్నారు. అంతేకాదు.. నాలుగైదురోజుల ముందు ఆయన చిన్న కొడుకు వెంకటేష్ ఇంటికి, అక్కడినుంచి నానక్ రామ్ గూడ స్టూడియోకి, అలాగే రామానాయుడు స్టూడియోకి.. ఇలా ఒక్కరోజులోనే మూడుచోట్ల సందర్శించారని అన్నారు. అంతా తిరిగినా కూడా ఎంతో ఎనర్జిటిక్ గా వుండేవారని పేర్కొన్నారు.
అలాగే.. నర్సాపూర్ లో ఆయన కట్టించిన ఓల్డేజ్ హోమ్ ను కూడా ఓసారి వెళ్లి చూసి రావాలంటూ రామానాయుడు చాలా ఆరాటపడ్డారని రాజశేఖర్ తెలిపారు. ఎప్పుడూ ఉత్సాహంగా వుంటూ బాధ్యత, పనులు, లక్ష్యం గురించే ఆలోచించేవారని చెప్పుకొచ్చారు. అయితే.. ఇంతలోనే ఆయన అనుకోకుండా ఇలా హఠాన్మరణం పొందుతారని భావించలేదని అన్నారు. అయినా.. ఆయన పూర్తి జీవితాన్ని అనుభవించారని అన్నారు. వారి కుటుంబసభ్యులకు దేవుడు ధైర్యం ఇవ్వాలని కోరుకుంటున్నట్లుగా ప్రగాఢ సానుభూతి వ్యక్తం చేశారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more