జబర్దస్త్ వేణుపై దాడి.. వేణుపై కేసు నమోదు

Posted: 12/22/2014 07:18 AM IST

జబర్దస్త్ టీవీ షో కమెడియన్ వేణుపై దాడి జరిగింది. ఫిలింనగర్ లో ఉండగా ఆయనపై గౌడ సంఘం కార్యకర్తలు దాడి చేశారు. ఈనెల 18న వేణు నటించిన స్కిట్ లో గౌడ వర్గ మనోభావాలు దెబ్బతినేవిధంగా స్కిట్ చేశారని ఆరోపిస్తూ దాడికి పాల్పడ్డారు. ఈ దాడికి పాల్పడిన వారిపై పోలిసులు కేసు నమోదు చేశారు.  కల్లు వృత్తిని, గౌడ కులస్తుల శ్రామిక జీవన విధానాన్ని కించపర్చేలా స్కిట్ ఉందని ఆరోపిస్తూ మూడ్రోజుల క్రితమే పోలిసులకు ఫిర్యాదు చేశారు. ఈ కంప్లయింట్ పై స్పందించిన ఓయూ పోలిసులు వేణుపై ఐపీసీ సెక్షన్లు 323, 506 ప్రకారం కేసుపెట్టారు.

తెలుగు పాపులర్ కామెడి షోగా ఎదిగిన జబర్దస్త్ పై రోజురోజుకూ విమర్శలు పెరుగుతున్నాయి. పోటిని తట్టుకుని ఫస్ట్ ప్లేస్ లో నిలిచేందుకు స్కిట్లలో వల్గారిటీని పెంచుతున్నారన్న విమర్శలు ఎక్కువ అవుతున్నాయి. ఒకప్పుడు ఫ్యామిలి మొత్తం కలిసి చూసే షోగా మంచి పేరుండగా ఇప్పుడు మాత్రం ఆ పరిస్థితి లేదు. అసభ్య పదాలతో ఎబ్బెట్టుగా ఉండే కామెడిని చూపిస్తున్నారు. ఫలితంగా షోపై ప్రజల నుంచి విమర్శలు వస్తున్నాయి. అవే ఇప్పుడు కేసుల రూపంలో వెంటాడుతున్నాయి.

 

కార్తిక్