తిరుపతి తెదేపా అభ్యర్థి ఇంట్లో సోదాలు

Posted: 05/06/2014 03:07 PM IST

తిరుపతిలో తెదేపా అభ్యర్థి వెంకటరమణ నివాసంలో సెర్చ్ వారంట్ తో వచ్చామంటూ చెప్పిన పోలీసులు, ఎన్నికల ఖర్చుల పరిశీలనాధికారులు సోమవారం రాత్రి పది గంటల నుంచి తెల్లవారు ఝాము 2.00 గంటలవరకు అంగుళం కూడా వదలకుండా సోదాలు నిర్వహించారు.  ఇంట్లో 5 లక్షల రూపాయల నగదు తప్ప మరేమీ దొరకలేదు, ఆ డబ్బు కి కూడా వెంకటరమణ ఆధారాలు చూపించారు.  

సోదాలు నిర్వహించిన తర్వాత తమ వద్ద సెర్చ్ వారెంట్ లేదని అధికారులు చెప్పేసారు.  ఇంతలో వైకాపా నేతల నుంచి అధికారులలో ఒకరికి ఫోన్ రావటం అనుమానం తెప్పించింది.  ఈ సోదాల వెనుక పెద్ద కుట్ర ఉందని తెదేపా నేతలు భావిస్తున్నారు.  డబ్బు పంచుతున్నది, వివిధ రకాలుగా వోటర్లను ప్రలోభపెడుతున్నది వైకాపా వాళ్ళయితే సోదాలు మా ఇంట్లో ఎందుకంటూ వెంకటరమణ ఆగ్రహాన్ని వ్యక్తంచేసారు.  

-శ్రీజ