ఇది నా తెలంగాణ-నా తెలంగాణ ప్రజలు : పవన్

Posted: 04/22/2014 03:00 PM IST

నిజామాబాద్ లో ప్రారంభమైన బీజేపీ 'భారత్ విజయ్ ర్యాలీ మొదలైంది.  బీజేపీ సభా వేదికపై నటుడు, జనసేన అధినేత పవన్ కల్యాణ్ ఆశీనులయ్యారు. ప్రస్తుతం వేదికపై ఆయన తన ప్రసంగాన్ని ప్రారంభించారు.  తనకు తెలంగాణ అంటే ఇష్టం, ప్రేమ అని చెప్పారు. ఈ విషయాన్ని తన మససులోనే ఉంచుకున్నాను కాని, ఎప్పుడూ ఢంకా భజాయించి చెప్పలేదని తెలిపారు. 

ప్రస్తుతం తెలంగాణ ఎలా వచ్చిందనే విషయం కన్నా వచ్చిన తెలంగాణను ఎలా పాలించాలనే దానిపైనే మాట్లాడుకోవాలని చెప్పారు. తాము పోరాటం చేస్తేనే తెలంగాణ వచ్చిందని కొందరు చెబుతున్నారని... కానీ, కొందరు యువకుల బలిదానాలు, పోరాటాల వల్లే తెలంగాణ సాధ్యమైందని పరోక్షంగా టీఆర్ఎస్ పై సెటైర్ విసిరారు. 

రోజుకు ఇద్దరు, ముగ్గరు చనిపోతుంటే తెలంగాణ ఇవ్వాలని ఎందుకు అనిపించలేదని కాంగ్రెస్ ను ప్రశ్నించారు. కులాలు, మతాలన్నింటికీ సమాన న్యాయం చేయడమే జనసేన సిద్ధాంతమని వెల్లడించారు.  

పవన్ కళ్యాణ్  తెలంగాణ పై చేసిన వ్యాఖ్యలతో.. సభలో రెట్టింపు ఉత్సహం కనిపించింది.  బిజేపి నాయకులు మాత్రం  పవన్ ప్రసంగాన్ని ఆసక్తిగా వింటూ వేదికపై సభలోని ప్రజలకు అభివాదం చేయటం జరిగింది.  ఒకనొక సమయంలో  నరేంద్ర మోడీ  సైతం  పవన్ కళ్యాణ్  స్పీచ్ ను  ఆసక్తిగా వినటం జరిగింది.   ఇది నా తెలంగాణ,  నా తెలంగాణ ప్రజలు అంటూ పవన్ నిజామాబాద్ ప్రజలను ఆకట్టుకున్నారు. 

ఆర్ఎస్