భార్య శీలానికి రెండు లక్షలు వెలకట్టాడు

Posted: 11/18/2013 01:16 PM IST

మధమెక్కిన మగ కామాంధుల కోసం ఎన్ని చట్టాలు తీసుకొని వచ్చినా ఏం లాభం లేదు. రోజు రోజుకు మహిళల పై, విద్యార్థినుల పై అఘాయిత్యాలు జరుగుతూనే ఉన్నాయి. తాజాగా మరో అత్యాచార సంఘటనలు వెలుగులోకి వచ్చాయి. పాఠశాలలో విద్యా బుద్ధులు నేర్పి, బంగారు భవిష్యత్తుకు బాటలు వేయాల్సిన ప్రిన్స్ పాల్ తొమ్మిదో తరగతి విద్యార్థిని పై అత్యాచారం చేసినట్లు బాధితురాలు పోలీస్ స్టేషన్ లో ఫిర్యాదు చేసింది. సైదాబాద్ ప్రాంతంలోని వికాస్ భారతి పాఠశాల ప్రిన్సిపల్ తనను లైంగికంగా వేధించాడని బాలిక పిర్యాదు అందుకున్న పోలీసులు కేసు నమోదు చేసి విచారణ చేపట్టారు. నేరం రుజువైతే ఇతని పై నిర్భయ చట్టం కింద కేసు నమోదు చేయాలని బాధితురాలి తల్లిదండ్రులు కోరుతున్నారు. గతంలో హైదరాబాద్ లోని పార్క్ వుడ్ స్కూల్ ప్రిన్స్ పాల్ కూడా విద్యార్థిని లైంగికంగా వేధించాడని ఆరోపనలు వచ్చిన విషయం తెలిసిందే.

ఇక మరో సంఘటనలో ఓ కామాంధుడు ప్రేమించాని చెప్పి రహస్యంగా పెళ్ళి చేసుకొని నాలుగు నెలలు సంపారం చేసి, ఆ నాలుగు నెలల కాపురంలో అమ్మాయి శీలానికి వెలకట్టి వదించుకోవాలని చూస్తున్న సంఘటన ఆలస్యంగా వెలుగులోకి వచ్చింది ఇల్లెందులో. ఖమ్మం జిల్లా ఇల్లెందు మండలం బొల్లినగర్‌కు చెందిన వెంకటేషం ఓ యువతిని ప్రేమించి పెళ్ళి చేసుకున్నాడు. కానీ వెంకటేశం మేనమామ అభ్యంతరం చెప్పడంతో ఆమెను వదిలించుకునేందుకు పంచాయితీ పెట్టించాడు. దీంతో పెద్దలు యువతికి రూ. 2లక్షలు ఇప్పించేందుకు తీర్మానించారు. పంచాయితీ జరిగిన రెండు రోజుల తర్వాత ఆ యువతి తనకు భర్తే కావాలంటూ ఇల్లెందు పోలీసులను ఆశ్రయించింది. ఈ వ్యవహారంపై పోలీసులు విచారణ చేపట్టారు.