గవర్నర్ పై బాంబు దాడి

Posted: 10/15/2013 07:13 PM IST

పశ్చిమ ఆప్ఘనిస్థాన్ లోని పుల్-ఈ- అలం మసీదులో ఈరోజు శక్తివంతమైన బాంబు పేలుడు సంభవించింది. ఈ ఘటనలో లాగర్ ప్రావెన్స్ గవర్నర్ అరసల జమల్ మరణించారని ప్రభుత్వ అధికారి ప్రతినిధి దిన్ మహమ్మద్ దర్విష్ కాబుల్ లో వెల్లడించారు. ఈ ఘటనలో మరో 15 మంది పౌరులు త్రీవంగా గాయపడ్డారని చెప్పారు. వారిని సమీపంలోని వివిధ ఆసుపత్రులకు తరలించినట్లు తెలిపారు. అయితే వారిలో కొందరి పరిస్థితి ఆందోలనకరంగా ఉందని వైద్యులు వెల్లడించారు. ఈ -అల్ - అదాహ్ పండగ సందర్భంగా ఈ రోజు పుల్ -ఈ-అలం మసీదులో ప్రార్థనలు నిర్వహించేందుకు ముస్లీంలు అధిక సంఖ్యలో చేరుకున్నారు. ఆ సమయంలో అక్కడే ఉంచిన ఇంప్రూ వైజ్ డ్ ఎక్స్ ప్లోజీవ్ డివైజ్ (ఐఈడీ) ఒక్క సారిగా పేలిందన్నారు. అయితే ఈ ఘటనకు బాధ్యులం తామేనంటూ ఏ ఉగ్రవాద సంస్థ ఇప్పటి వరకు ప్రకటించలేదని దిన్ మహమ్మద్ పేర్కొన్నారు.