సీమాంద్ర ఉద్యోగులపై ఎంపీ కొడుకులు వీరంగం

Posted: 10/05/2013 10:59 AM IST

తెలంగాణ నోట్ కు వ్యతిరేకంగా సీమాంద్ర లో ఉద్రిక్తత పరిస్థితులు నెలకొన్నాయి. సమైక్యవాదులు భారీ ఎత్తున ఆందోళనలు చేపట్టారు. అయితే సమైక్యవాదులు రాజకీయ నాయకులు ఇళ్లపై దాడులు చేయటం జరుగుతుంది. ఇలాంటి సందర్భంలో తూర్పు గోదావారి జిల్లా రాజమండ్రిలో ఎంపీ హర్షకుమార్ కుమారులు వీరంగం చేయటం జరిగింది. తన తండ్రి కి చెందిన రాజీవ్ గాంధీ కళాశాల ప్లేక్సీని చించారని ఆగ్రహించిన ఎంపీ కోడుకులు ఇద్దరు ఏపీఎన్జీవోలపై కర్రలతో దాడి చేశారు. పోలీసులు అడ్డుకున్నా ఆగకుండా ఉద్యోగులపై దాడికి తెగబడ్డారు. ఎంపీ కుమారుల వైఖరికి నిరసనగా ఏపీ ఎన్జీవోలు , సమైక్యవాదులు పెద్ద ఎత్తున అక్కడికి చేరుకుని కళాశాలపై రాళ్ల వర్షం కురిపించారు. ప్రస్తుతం రాజమండ్రిలో పరిస్థితి ఉద్రిక్తంగా మారింది.