సస్పెన్షన్ తర్వాత మళ్లీ ఆందోళన

Posted: 08/30/2013 01:53 PM IST

ఐదు రోజుల సస్పెన్షన్ అనంతరం ఈ రోజు పార్లమెంటు సమావేశాలకు హాజరయిన టీడీపీ సభ్యులు మళ్లీ అదే ఆందోళన చేశారు. సమైక్య నినాదాలతో లోక్‌సభ మరోసారి మార్మ్రోగిపోయింది. సభ ప్రారంభంకాగానే స్పీకర్ వెల్‌లోకి దూసుకెళ్లి సీమాంధ్ర ఎంపీలు నిరసన వ్యక్తం చేశారు. ముఖ్యంగా టిడిపి ఎంపీలు పెద్ద ఎత్తున నినాదాలు చేశారు. దీంతో సభలో గందరగోళం నెలకొనడంతో స్పీకర్ మీరాకుమార్ సభను మధ్యాహ్నం 12 గంటలకు వాయిదా వేశారు. సభ వాయిదాపడ్డాక 'రాష్ట విభజన స్వార్ధ పూరిత నిర్ణయం' పేరుతో 3 పేజీల పత్రాన్ని టిడిపి సభ్యులు విడుదల చేశారు. అనంతరం ఆ ప్రతులను పార్లమెంటు సభ్యులకు కూడా అందజేశారు. ఆంధ్రప్రదేశ్ ను రక్షించండి అంటూ నినాదాలు చేస్తూ ప్రతులను పంచారు.