దైవ దర్శన యాత్రలో విషాదం

Posted: 07/18/2013 12:32 PM IST

ఒకే కుటుంబం నుండి దైవ దర్శనానికి వెళ్లిన నలుగురు ఏకంగా దేవుడి దగ్గరికే వెళ్లి పోయారు. దైవ దర్శన యాత్ర ఆ కుటుంబంలో విషాదాన్ని మిగిల్చింది. గుంటూరు జిల్లా నరసారావుపేటకు చెందిన ఓ కుటుంబం కారులో షిర్టీకి వెళుతుండగా ఈ ప్రమాదం జరిగింది. నరసారావుపేట నుండి నాగర్ సోల్ వరకు రైల్లో వెళ్లి, అక్కడి నుండి కారులో షిర్టీకి ప్రయాణిస్తున్న సమయంలో కారు పై ఓ భారీ చెట్టు కూలడంతో కారులో ఉన్న ముగ్గురు మహిళలతో పాటు మరొకరు అక్కడిక్కడే ప్రాణాలు కోల్పోయారు. మరో ఇద్దరు తీవ్ర గాయాలతో ప్రాణాలతో బయట పడ్డారు. ఈ విషయం తెలుసుకున్న వారి కుటుంబ సభ్యులు శోక సముద్రంలో మునిగిపోయారు. చనిపోయిన వారిలో రాధా క్రిష్ణమూర్తి, రంగనాయకమ్మ, బాలత్రిపురా సుందరి, ఆషా ఉన్నారు. ఆశా, ఆంజనేయులు అనేవారు గాయాలతో చికిత్స పొందుతున్నారు. విధి వెంటాడి చంపడం అంటే ఇదేనేమో మరి.