కేసీఆర్ నుండి నాకు ప్రాణ భయం

Posted: 07/06/2013 10:07 AM IST

రాజకీయ వైరం బంధుత్వాలను సైతం విడదీస్తుంది. గతంలో ఇలాంటి సంఘటనలు ఎన్నో జరిగాయి కూడా. తాజాగా తెలంగాణ రాష్ట్ర సమితి అధ్యక్షుడు కేసీఆర్ కి ఆయన అన్న కూతురు రమ్య వైరం తారా స్థాయికి చేరింది. గత కొన్ని రోజుల నుండి వీరిమధ్య వివాదం రగులుతున్న విషయం తెలిసిందే. తాజాగా ఇది తారా స్థాయికి చేరింది. టీఆర్ఎస్ పార్టీ అధినేత స్థాయిలో ఉన్న కేసీఆర్ పార్టీకి చెందిన కొందరు నాయకులు అన్న కూతురు రమ్య ఇంటి పై దాడి చేశారు. గతంలో ఈయన పై అనుచిత వ్యాఖ్యలు చేసి నోరుపారేసుకున్న రమ్య పై ఆగ్రహించిన ఆయన వర్గం వారు ఈ దాడి చేశారని తెలుస్తుంది. ఈ దాడులతో భయపడిన రమ్య తనకు కేసీఆర్ నుండి ప్రాణ హాని ఉందని ఆయన నుండి రక్షణ కల్పించాలని ఆమె ముఖ్యమంత్రి కిరణ్ కుమార్ దగ్గరకి వెళ్ళి వివిజ్ఞప్తి చేసింది. టీఆర్ఎస్ పార్టీతో విభేధించినందుకే ఆయన నాపై దాడు చేయిస్తున్నాడని ఆరోపించింది. ఇక్కడ గమనించదగిన విషయం ఏంటేంటే... టీఆర్ఎస్ పార్టీ నుండి బహిష్కరణకు గురైన కేసీఆర్ బద్దశ్రతువు అయిన మాజీ నాయకుడు చింతా స్వామితో కలిసి ఆమె ముఖ్యమంత్రిని కలిశారు. దీనిని బట్టే మనం అర్థం చేసుకోవచ్చు రమ్య , కేసీఆర్ మధ్య వైరం ఏ స్థాయికి చేరిందో.