అగంతకుని కాల్పుల్లో 6గురు దుర్మరణం

Posted: 06/08/2013 03:11 PM IST

అగ్రరాజ్యం అమెరికాలో మరోసారి గన్ కల్చర్ రక్తాన్ని చిమ్మింది. గతంలో ఎన్నోసార్లు అగంతకుల చేతిలో ఎంతోమంది అమాయకులు బలైన సంగతి తెలిసిందే. తాజాగా నేడు కాలిఫోర్నియాలోని సాంటా మోనికాలో సాయుధుడైన ఆగంతకుడు ఆరుగురిని పొట్టనపెట్టుకున్నాడు. నల్లటి దుస్తులు ధరించిన ఓ వ్యక్తి సాంటా మోనికా కాలేజీలోని లైబ్రరీలో ప్రవేశించి విచ్చలవిడిగా కాల్పులు జరిపాడు. ఈ కాల్పుల్లో ఆరుగురు అక్కడికక్కడే ప్రాణాలు కోల్పోయారు. అనేకమంది గాయపడ్డారు. కాల్పుల శబ్దాలు విన్న ఇతర విద్యార్థులు పోలీసులకు సమాచారం అందించారు. విషయం తెలుసుకున్న పోలీసులు ఘటన స్థలానికి చేరుకుని దుండగుణ్ని పట్టుకునే ప్రయత్నం చేశారు. అయితే పోలీసులు జరిపిన కాల్పుల్లో ఆ వ్యక్తి ప్రాణాలు కోల్పోయాడని కాలిఫోర్నియా పోలీసు అధికారులు తెలిపారు. కాగా ఆ ఆగంతకుడి వివరాలు ఇంకా గుర్తించలేదని అధికారులు వెల్లడించారు. అయితే ఇలా ప్రతిసారి అమాయకులు బలవుతుండంటంతో ఈ గన్ కల్చర్ కు చరమగీతం పాడాలని పలువురు కోరుతున్నారు.