షిర్డీ యాత్రికులకు షిర్డీలో మరో ఆధునిక వసతి గృహం

Posted: 04/12/2013 12:00 PM IST

మొత్తం మూడు ఎకరాల స్థలంలో 156 గదులతో విశాలమైన ప్రాంగణంతో హైద్రాబాద్ దిల్ సుఖ్ నగర్ సాయిబాబా సంస్థాన్ ట్రస్ట్ ఆధ్వర్యంలో నిర్మించిన శ్రీ సాయి నివాస్ భవన సముదాయం నిన్న మహారాష్ట్ర ముఖ్యమంత్రి పృథ్వీరాజ్ చౌహన్ చేతులమీదుగా ప్రారంభించబడింది.  ఈ కార్యక్రమంలో కేంద్ర మంత్రి సర్వే సత్యనారాయణ, రాష్ట్ర మంత్రి సి.రామచంద్రయ్య, ఎంపీ వి హనుమంతరావు, ఎమ్మెల్యే సుధీర్ రెడ్డి లు పాల్గొన్నారు. 

భవన సముదాయం ఒక ఎకరం స్థలంలో నిర్మించగా రెండు ఎకరాల స్థలాన్నిపచ్చిక బయళ్ళు, పార్కింగ్ కోసం కేటాయించారు.  వసతి గృహంలో ఎసి, నాన్ ఎసి, సూట్ లు కూడా ఉన్నాయి.  భోజన వసతి కూడా ఏర్పాటు చేసి అందులో దక్షిణాది వంటలతో పాటు ఉత్తరాది వంటకాలను కూడా వడ్డించే ఏర్పాటు చేసారు. 

శ్రీ సాయినివాస్ ధర్మశాలలో గదులు కావాలంటే దిల్ సుఖ్ నగర్ లోని ఆలయంలోని పిఆర్ వో కార్యాలయంలో సంప్రదించవచ్చు, లేదా ఆన్ లైన్ లో కూడా రిజర్వ్ చేసుకునే ఏర్పాటు కలిగించారు.  అందుకు వెబ్ సైట్స్- www.shrisainivas.com and www.saisansthan.in .

-శ్రీజ