Posted: 04/02/2013 10:07 AM IST

రోడ్డు ప్రమాదంలో ఎనిమిది మంది దుర్మరణం పాలయ్యారు.

కడప జిల్లా రైల్వే కోడూరు మండలంలో కుక్కలదొడ్డి సమీపంలో ఈ రోజు ఉదయం ఇన్నోవా, లారీ ఢీ కొనటంతో ఇన్నోవాలో పయనిస్తున్న ఎనిమిది మంది అక్కడికక్కడే మరణించారు. సంగతి తెలిసిన పోలీసులు ఘటనా స్థలికి చేరుకుని సహాయక చర్యలందించారు.

ఒకే కుటుంబానికి చెందిన వారంతా హైద్రాబాద్ నుంచి తిరుపతి యాత్రకని బయలుదేరి ప్రమాదానికి బలయ్యారు. వారికి ఎదురుగా వస్తున్న సిమెంట్ లారీ కడప వస్తోంది. రెండూ ఎదురెదురుగా ఢీకొనటంతో ప్రమాదం తీవ్రస్థాయిలో జరిగింది.

మృతులు మెదక్ జిల్లా పెదశంకరం పేట వాస్తవ్యులని తెలిసింది.  ఆ కారులో ఉన్న చిన్న అమ్మాయి మాత్రం కొద్దిపాటి గాయాలతో ప్రాణాలు దక్కించుకుంది.

 

-శ్రీజ