Posted: 03/28/2013 09:23 AM IST

నిన్న అర్ధరాత్రి న్యూజిల్యాండ్ క్రికెట్ ఆటగాడు జెస్సీ రైడర్ మీద జరిగిన దాడిలో గాయపడి క్రిస్ట్ చర్చ్ హాస్పిటల్ లో చికిత్స పొందుతున్న అతని పరిస్థితి విషమంగా ఉందని వైద్యులు అంటున్నారు.

జెస్సీ రైడర్ కోమాలో ఉన్నారని ఆయన్ని ఇంటెన్సివ్ కేర్ లో ఉంచి వైద్యపరిశీలనలు చేస్తున్నారని న్యూజిల్యాండ్ రేడియోలో వార్తల్లో చెప్పారు. జెస్సీ రైడర్ గాయాల పరిస్ధితి మీద హాస్పిటల్ అధికారులు ఏమీ చెప్పటం లేదు కానీ పరిస్థితి ఆందోళనకరంగా ఉందని మాత్రం అంటున్నారు. తల పగిలటం వలన ఇంటర్నల్ బ్లీడింగ్ అవుతోందని అది ప్రమాదకరమైన పరిస్థితని వార్తలు వస్తున్నాయి.

ప్రత్యక్ష సాక్షులు చెప్పినదాని ప్రకారం, మెరివాల్ శివార్లలో ఉన్న బార్ బయట నలుగురు మనుషలు జెస్సీ రైడర్ మీద దాడి జరిపారు. కింద పడిన తర్వాత కూడా అతని మీద ముష్టి ఘాతాలతో గాయపరచారు. కేసుని దర్యాప్తు చేస్తున్న పోలీసులు, ఈ రోజు దాని మీద వివరణలను ప్రకటిస్తామంటున్నారు.

బుధవారం నాడు న్యూజిల్యాండ్ లో క్రిస్ట్ చర్చ్ లో స్థానిక ఒకరోజు క్రికెట్ పోటీలో సెమీ ఫైనల్స్ లో ఆడిన జెస్సీ రైడర్ తన జట్టులో ఆడిన ఆటగాళ్ళతో కలిసి ఆ బార్ కి వచ్చారు.