Posted: 03/05/2013 11:14 AM IST

ఢిల్లీలో మునిర్కా ప్రాంతంలో కదులుతున్న బస్సులో అత్యాచారానికి గురై మృత్యువుతో పోరాడి చివరకు అసువులు బాసిన మహిళకు అమెరికా ప్రభుత్వం ధీరురాలిగా గుర్తించి అంతర్జాతీయ పురస్కారాన్ని ప్రకటించింది. ధీరత్వాన్ని ప్రదర్శించిన మహిళలకు, మహిళల సాధికారతకు గుర్తింపుగా 2007 నుంచి ఈ అంతర్జాతీయ పురస్కారాలలో ఇంత వరకూ 45 దేశాల 67 మంది మహిళలకు ఈ పురస్కారాన్ని అందించారు.

న్యాయం కోసం పోరాడుతూ, తుది శ్వాస వరకూ ధైర్యాన్ని వీడకుండా, పోలీసులకు రెండు సార్లు హాస్పిటల్ బెడ్ మీదనే వాఙ్మూలాన్నిచ్చిన మహిళగా పేర్కొంటూ మహిళా లోకానికి ఆదర్శంగా నిలిచిన ఆమెను కొనియాడుతూ, అమెరికా ప్రభుత్వం అందించే ఈ పురస్కారాన్నిఈ నెల 8న అమెరికా అధ్యక్షుని భార్య మిషెల్లీ ఒబామా, అమెరికా విదేశాంగ మంత్రి జాన్ కెర్రీ ఆమె కుటుంబ సభ్యులకు అందజేస్తారు.