Posted: 01/24/2013 12:21 PM IST

శివసేన కార్యనిర్వాహక అధ్యక్షుడు ఉద్ధవ్‌ థాకరే ఆ పార్టీ అధ్యక్షుడిగా ఎన్నికయ్యారు. ఇక్కడ జరిగిన ఆ పార్టీ ఎగ్జిక్యూటివ్‌ సమావేశంలో లాంఛన ప్రాయంగా ఈ ఎన్నిక జరిగింది. 'పార్టీ అధ్యక్షుడిగా ఉద్ధవ్‌ థాకరే (52) ఏకగ్రీవంగా ఎన్నికయ్యారు. ఇకమీదట, పార్టీ అన్ని విధానపరమైన నిర్ణయాలు ఆయన తీసుకుంటారు. పార్టీలో ఏ పదవుల్లో ఎవరిని నియమించాలనే దానిపై కూడా ఆయన అధికారం కలిగివుంటారు' అని పార్టీ సీనియర్‌ నేత సుభాష్‌ దేశారు దాదర్‌లోని శివసేన్‌ కేంద్రకార్యాలయం వద్ద మీడియాతో మాట్లాడుతూ చెప్పారు. ఈ ఎన్నికల ప్రక్రియను ఎలక్షన్‌ అధికారి బాలకృష్ణ జోషి పూర్తి చేశారని అన్నారు. గత నాలుగు దశాబ్దాలుగా పార్టీ అధినేత బాల్‌ థాకరే నిర్వహించిన శివసేన 'ప్రముఖ్‌' పేరుతో ఏ పదవీ వుండబోదని చెప్పారు. అలాగే కార్యనిర్వాహక అధ్యక్షుడు పదవి కూడా వుండదన్నారు. 2014 అసెంబ్లీ ఎన్నికలపై దృష్టి సారించాలని పార్టీ నేతలకు ఉద్దవ్‌ థాకరే ఈ సందర్భంగా పార్టీ నేతలకు విజ్ఞప్తి చేశారు. కాంగ్రెస్‌ ఎన్‌సిపి కూటమిపక్షాన్ని గద్దెదించేందుకు మరిన్ని సీట్లు సాధించేలా కృషిచేయాలని కోరారు.