Posted: 01/16/2013 08:20 PM IST

తెలంగాణ రాష్ట్ర సమితి అధినేత కె.చంద్రశేఖరరావుకు ఉత్తమ రైతు అవార్డు అనే టైటిల్ ని చూసి ఆశ్చర్య పోకండి. కేసీఆర్ ఏంటి వ్యవసాయం చేయడం ఏంటి ? అవార్డు రావడం ఏంటని అనుకోకండి. ఆయన పై తెలుగు దేశం పార్టీ సీనియర్ నాయకుడు కడియం శ్రీహరి వ్యంగ్య వ్యాఖ్యలు చేశారు. తెలంగాణపై కీలక దశలో పరిణామాలు చోటు చేసుకుంటుంటే కెసిఆర్ ఫామ్ హౌస్ లో ఉండడమేమిటని, అందుకే తాను కెసిఆర్ కు ఉత్తమరైతు అవార్డు ఇవ్వాలని అంటున్నానని పేర్కొన్నారు. తెలంగాణపై అఖిలపక్ష సమావేశంలో జరిగిన చర్చల సారాంశ మినిట్స్ ను విడుదల చేయాలని కూడా ఆయన కోరారు.తెలుగుదేశం పార్టీ తెలంగాణ రాష్ట్ర ఏర్పాటుకు కట్టుబడి ఉందన్న విషయాన్ని ఆ సమావేశంలో స్పష్టం చేశామని ఆయన అన్నారు. మరి కడియం శ్రీహరి మాటలకు కేసీఆర్ ఏ విధంగా కౌంటర్ ఇస్తాడో చూడాలి.