Posted: 12/29/2012 06:53 PM IST

కేంద్ర మంత్రి  చిరంజీవి పై  కాంగ్రెస్ ఎంపీ  గుత్తా  సుఖేందర్ రెడ్డి   విమర్శలు చేశారు. పీఆర్పీ పార్టీ స్థాపించినపుడు సామాజిక తెలంగాణ ఇస్తామని ప్రగల్భాలు పలికిన చిరంజీవి తెలంగాణ రాష్ట్ర ఏర్పాటు కోసం కేంద్రాన్ని ఒప్పించాలని ఎంపీ గుత్తా సుఖేందర్‌రెడ్డి డిమాండ్ చేశారు. తెలంగాణ ఇస్తే మంత్రి గంటా శ్రీనివాసరావు రాజీనామా చేస్తాననడం సరికాదన్నారు. మరీ చిరంజీవి సామాజిక తెలంగాణ అన్నప్పుడు మీరు ఏం చేశారని గంటాను గుత్తా ప్రశ్నించారు. ద్వంద్వ విధానంతో మాట్లాడేవారిని ప్రజలు నమ్మరు అని తెలిపారు. తెలంగాణ ఉద్యమం వ్యాపారమైందన్న మంత్రులు టీజీ వెంకటేష్, గంటా శ్రీనివాస్‌రావుపై ఆయన తీవ్ర ఆగ్రహం వ్యక్తం చేశారు. ఉద్యమాన్ని కించపరిచేలా మాట్లాడటం సరికాదన్నారు. వ్యాపారవేత్తలు మీరా.. తెలంగాణవాదులా.. అని ప్రశ్నించారు. తెలంగాణలో వ్యాపారం చేస్తున్న సీమాంధ్ర నేతల బండారం బయట పెడుతామని హెచ్చరించారు. తెలంగాణలో రాజకీయ వ్యాపారవేత్తలు ఎంతమంది ఉన్నారో చెప్పాలని డిమాండ్ చేశారు.