Posted: 11/24/2012 06:14 PM IST

ఉదయం దట్టమైన పొగమంచులో టెక్సాస్ జాతీయ రహదారిపై దూసుకొస్తున్న వాహనాలు.. ఇంతలో ఒక ట్రక్కు ప్రమాదానికి గురైంది. దీంతో దాని వెనుకే వస్తున్న భారీ కంటైనర్లు.. కార్లు.. ఇతర వాహనాలు.. ఇలా 150 వాహనాలు ఒకదాన్నొకటి ఢీ కొన్నాయి. 18 టైర్ల భారీ కంటైనర్ల కింద కార్లు నుజ్జునుజ్జయ్యాయి. ఒకదానిపైకి మరోటి ఎక్కి పూర్తిగా ధ్వంసమయ్యాయి. అమెరికాలో జరిగిన ఈ భారీ ప్రమాదంలో ఇద్దరు మృతి చెందారు. మరో 80 నుంచి 90 మంది గాయాలపాలయ్యారు. టెక్సాస్‌కు ఈశాన్యాన ఉన్న బ్యూమోంట్ వద్ద ఈ ప్రమాదం చోటు చేసుకుంది. గాయాలపాలైన వారిలో 12 మంది పరిస్థితి విషమంగా ఉందని అధికారులు వెల్లడించారు.