Posted: 11/21/2012 07:11 PM IST

కసబ్ ఉరి పట్ల నగరవాసి కుటుంబానికి ఉపశమనం కలిగిందట.   నాలుగేళ్ల క్రితం ముంబైలో  ఉగ్రవాదుల దాడుల్లో మరణించిన  నగర వాసి విజయ్ రావు  బాంజ కుటుంబ సభ్యులు కసబ్  ఉరి  పట్ల హర్షం వ్యక్తం చేశారు.  ఇన్నాళ్లకు  తమ మనసులకు కాస్త ఉపశమనం లభించిందని వారు పేర్కొన్నారు.  హైదరాబాద్  నేరేడ్ మెట్  డిఫెన్స్ కాలనీకి చెందిన విజయరావు  బాంజ  ముంబై తాజ్ హోటల్  చీఫ్ చెఫ్ గా పనిచేసేవారు. దాడి జరిగిన  ముందు రోజే   హైదరాబాద్ నగరం నుంచి వెళ్లిన  ఆయన  ఉగ్రవాది కసబ్ మరణహోమంలో  మరణించారు.   విజయరావు మరణించారని  కుటుంబ సభ్యులు ఆవేదన వ్యక్తం చేశారు.   కసబ్  విషయంలో  ప్రభుత్వం ఆలస్యంగానైనా  తగిన నిర్ణయం తీసుకుందన్నారు.  ఇలాంటి  సంఘటనలు  పునరావ్రుతం కాకుండా  ఉగ్రవాద శక్తులను  అణచివేసే విధంగా ప్రభుత్వం కఠిన చర్యలు తీసుకోవాలని వారు కోరారు.