Posted: 11/16/2012 06:54 PM IST

పొగ తాగడం మాన్పించాలంటే సిగరెట్ ధరలను పెంచడమే ఉత్తమ మార్గమని ఏషియన్ డెవలప్‌మెంట్ బ్యాంక్(ఏడీబీ) చెబుతోంది. సిగరెట్ ధరలను 50శాతం పెంచడం వల్ల భారత్‌లో ఏటా 40లక్షల మరణాలను అరికట్టవచ్చని ఆ సంస్థ తన నివేదికలో పేర్కొంది. ఇక ప్రపంచ వ్యాప్తంగా అయితే దాదాపు 2.7కోట్ల మంది ప్రాణాలు కాపాడవచ్చట! యాభై శాతం ధరలను పెంచడం ద్వారా పన్నులతో కలిపి సిగరెట్ ధర దాదాపు రెట్టింపు అవుతుందని, దాంతో ఆ భారాన్ని తట్టుకోలేక చాలా మంది సిగరెట్ తాగడం తగ్గిస్తారని ఏడీబీ అంచనా వేసింది. పొగాకు ఉత్పత్తులన్నింటిపైనా పన్నులు పెంచే విషయంపై భారత్ దృష్టి సారించాలని సూచించింది. ఈ నిర్ణయం వల్ల పొగ తాగే పేదలపై భారం పెరిగినా... ఆరోగ్య ప్రయోజనాలు అధికంగా ఉంటాయని పేర్కొంది.