Posted: 11/12/2012 12:36 PM IST

మధ్యప్రదేశ్ సీఎం  ఇంగ్లీస్ బాష పై పోరుబాట పట్టినట్లు తెలుస్తోంది. ఆంగ్లాన్ని మాట్లాడుతున్న వారిపై మధ్యప్రదేశ్ ముఖ్యమంత్రి శివరాజ్‌సింగ్ చౌహాన్ విరుచుకుపడ్డారు. ఆంగ్ల వినియోగంపై విమర్శలు గుప్పించారు. ఆంగ్ల భూతాన్ని తరిమికొట్టాల్సిన అవసరం ఉందని పిలుపునిచ్చారు. భోపాల్‌లో ‘దత్తోపంత్ తెంగడి పరిశోధనా సంస్థ’ నిర్వహించిన ఓ కార్యక్రమంలో చౌహాన్ మాట్లాడారు. ‘ఆంగ్లభాషను కొందరే పెంచిపోషిస్తున్నారు. ఆ భాషతోనే అన్నీ జరిగిపోతాయని, అది రాకపోతే ఇంకేమీ చేయలేమని వారు అనుకుంటున్నారు’ అని మండిపడ్డారు. ఆంగ్లాన్ని కొందరు మాత్రమే మాట్లాడుతున్నారన్నారు. ఆ భాషను తిప్పికొట్టే ఆలోచన వారికి లేదని, ఆ విధంగా చేస్తే ఐఏఎస్, ఐపీఎస్ వంటి వాటిని గ్రామీణులు కూడా దక్కించుకుంటారని వారు భయపడుతున్నారని విమర్శించారు.