Posted: 11/05/2012 11:41 AM IST

కర్ణాటక మాజీ సీఎం యడ్యూరప్ప పట్టువిడవకుండ ఉన్నారు. తన మనసు మార్చడానికి ఎవరు ఎన్ని సర్కస్ ఫీట్లు చేసినా తాను బీజేపీలో కొనసాగేది లేదని కర్ణాటక మాజీ సీఎం యడ్యూరప్ప తేల్చి చెప్పారు. ఇప్పటికే తాను ప్రారంభించబోయే కొత్త పార్టీకి సన్నాహాలు చేస్తున్నానని, ఇక బీజేపీ నుంచి వైదొలగడమే తరువాయి అన్నారు. హుబ్లీలో హూగార సమావేశంలో పాల్గొనడానికి ముందు ఆయన విలేకరులతో మాట్లాడారు. తన నిర్ణయంలో ఎలాంటి మార్పూ లేదని స్పష్టం చేశారు. 'గుజరాత్ ముఖ్యమంత్రి నరేంద్ర మోడి మీ మనసు మార్చడానికి ప్రయత్నించారా?' అని విలేకరులు ప్రశ్నించగా, అందులో నిజం లేదని, ఇదంతా కేవలం మీడియా సృష్టి అన్నారు. నగరంలో ఇటీవల ముఖ్యమంత్రి జగదీశ్ శెట్టర్‌తోపాటు కొందరు మంత్రులు తన ను బీజేపీలోనే కొనసాగాలని కోరుతున్న మాట నిజమేనన్నారు. అందుకు తాను వారికి కృతజ్ఞుడినన్నారు.