Posted: 10/11/2012 12:05 PM IST

డిష్ టీవీ వీక్షకులకు బంపర్ ఆఫర్. "కేవలం రూ. 400 చెల్లించండి.. ఏడాదంతా 70 చానెళ్లను ఎంజాయ్ చేయండి''.. డీటీహెచ్ రంగంలో ప్రముఖ సంస్థ 'డిష్ టీవీ' కొత్త వినియోగదారులకు అందజేయనున్న లేటెస్ట్ ప్యాకేజీ ఇది. నాలుగు మెట్రోల్లో కొత్త వినియోగదారులను ఆకర్షించేందుకు ఆ సంస్థ ఈ ప్యాకేజీని ప్రకటించింది. ప్రస్తుత వినియోగదారులకూ ఇదే తరహా ప్యాకేజీని త్వరలో అందుబాటులోకి తేనున్నట్లు డిష్ టీవీ చీఫ్ ఆపరేటింగ్ అధికారి సలీల్ కపూర్ ప్రకటించారు. మొత్తం 70 లక్షల మంది వినియోగదారుల్లో 60 శాతం మంది డీటీహెచ్ ప్రసారాలను ఎంచుకునే అవకాశముందని, అందులో 30 నుంచి 35 శాతం మందిని ఆకర్షించాలన్నది లక్ష్యమని డిష్ టీవీ సీఈఓ ఆర్.సి.వెంకటేశ్ పేర్కొన్నారు.