Posted: 09/17/2012 10:15 AM IST

ప్రముఖ హాస్యనటుడు సుత్తివేలు కన్నుమూశారు. స్వగృహంలో ఈ తెల్లవారుజామున 3.30గంటలకు ఆయన గుండెపోటుతో మరణించారు. ఆయనకు ముగ్గురు కుమార్తెలు, ఒక కుమారుడు ఉన్నారు. 1947 ఆగస్టు 7న సుత్తివేలు జన్మించారు. ఆయన అసలు పేరు కురుమద్దాలి లక్ష్మీనరసింహారావు. ఈ సాయంత్రం అంత్యక్రియలు నిర్వహిస్తారు. 250కి పైగా చిత్రాలలో నటించిన సుత్తివేలు తొలి చిత్రం ముద్దమందారం. నాలుగుస్తంభాల ఆట సినిమాతో ఆయనకు మంచి గుర్తింపు లభించింది. జంద్యాల సినిమాల ద్వారా ఆయన హాస్యనటుడుగా గుర్తింపు పొందారు. వందేమాతరం సినిమాకు ఆయనకు నంది అవార్డు లభించింది. ఆయన సినిమాలలోకి రాకముందు నావల్ డాక్‑యార్డ్‑లో పనిచేసేవారు.