Posted: 08/23/2012 01:48 PM IST

 వీసా నిబంధనలను ఉల్లంఘించి అక్రమంగా నివసిస్తున్న విదేశీయులపై బ్రిటన్ చర్యలు చేపట్టింది. తమ దేశంలో అక్రమంగా నివసిస్తున్న 700 మంది భారతీయులను వెనక్కు పంపినట్లు తెలిపింది. విద్యార్థి వీసాపై వచ్చి నిబంధనలకు విరుద్ధంగా పనిచేస్తున్న వారు కూడా ఇందులో ఉన్నట్లు బ్రిటన్ అధికారులు తెలిపారు. లండన్‌లో దాదాపు 2 వేల మంది విదేశీయులు అక్రమంగా నివసిస్తున్నారు. వీసా గడువు ముగిసేలోగా స్వదేశానికి తిరిగి వెళ్లని వారు మరోసారి బ్రిటన్‌లో ప్రవేశించకుండా నిషేధం విధిస్తామని అధికారులు ప్రకటించారు.