Posted: 08/05/2012 03:41 PM IST

       మరో గట్టిపిండం ప్రతిభ వెలుగులోకొచ్చింది.  ప్రపంచంలోకెల్లా అత్యంత పిన్న వయసులో పూర్తిస్థాయి ఫీచర్ ఫిల్మ్‌ కు దర్శకత్వం వహించి ఇప్పటికే గిన్నిస్ బుక్‌లో చోటు సంపాదించుకున్న కర్ణాటకకు చెందిన మాస్టర్ కిషన్ మరో రికార్డు సృష్టించాడు. 16 ఏళ్లకే పోస్ట్‌ గ్రాడ్యుయేషన్ చేయడానికి కర్ణాటక సర్కారు నుంచి ప్రత్యేక అనుమతి పొందాడు. పదో తరగతిలో 93 శాతంతో ఉత్తీర్ణత సాధించిన కిషన్.. పీజీ కోర్సు చదవడానికి మైసూరులోని కర్ణాటక ఓపెన్ యూనివర్శిటీకి ఏడాది క్రితం దరఖాస్తు చేసుకున్నాడు. అయితే పీజీ కోర్సు చేయడానికి అవసరమైన కనీస వయోపరిమితి లేదా విద్యార్హత (అభ్యర్థికి 22 ఏళ్లు లేదా డిగ్రీ పూర్తి చేసి ఉండాలి) కిషన్‌కు లేనందువల్ల మొదట్లో అధికారులు అతని అభ్యర్థనను తిరస్కరించారు. అయితే కొన్ని ప్రత్యేకమైన పరీక్షలకు హాజరైన కిషన్ రాష్ట్ర విద్యాశాఖ నుంచి తక్కువ వయసులోనే పీజీ కోర్సు చదవడానికి అనుమతి తీసుకున్నాడు. తాను మాస్టర్ ఆఫ్ ఆర్ట్స్ ఇన్ మల్టీమీడియా అండ్ యానిమేషన్ అనే విభాగంలో పీజీ చేస్తానని కిషన్ తెలిపాడు.

...avnk