Posted: 07/24/2012 04:01 PM IST

వైయస్సార్ కాంగ్రెస్ పార్టీ అధ్యక్షుడు, కడప పార్లమెంటు సభ్యుడు వైయస్ జగన్ మోహన్ రెడ్డి అక్రమాస్తుల కేసులో అరెస్టు అయి చంచల్ గూడ జైలులో ఉన్న విషయం తెలిసిందే. జగన్ అరెస్టు అయినప్పటి నుండి ఆయనను కలవడానికి  కుటుంబ సభ్యులు మాత్రమే కాకుండా, బంధువులు, పార్టీ నాయకులు  కలుస్తున్నారు.. అందులో భాగంగానే ఆయనకు బంధువు అయిన సినీనటుడు మోహన్ బాబు, ఆయన కుమారుడు విష్ణు వర్థన్ ఇవాళ జైల్లో ములాఖత్ టైంలో కలిశారు. మోహన్ బాబు జగన్ ని కలవడంతో ఇప్పుడు చర్చనీయాంశ మైంది. ఎందుకంటే గతంలో నుండే మోహన్ బాబు జగన్ పార్టీలోకి వెళతారనే ప్రచారం ఉంది. గతంలో జగన్, ఆయన భార్య భారతి మోహన్ బాబు ఇంటికి వెళ్లారు, ఇప్పుడు మోహన్ బాబు జగన్ ని జైళ్లో కలడంతో  మోహన్ బాబు వైయస్సార్ కాంగ్రెసు పార్టీలోకి వెళ్లేందుకు రంగం సిద్ధం చేసుకున్నారనే  ప్రచారం కూడా జోరుగా జరుగుతోంది.. 

అయితే జగన్‌ను కలవడంలో రాజకీయ ప్రాధాన్యత ఏమీ లేదని, కుటుంబాల మధ్య ఉన్న సన్నిహిత సంబంధాలవల్లే కలిసినట్లు చెబుతున్నారు .