Posted: 07/11/2012 01:02 PM IST

ప్రత్యేక రాష్ట్రం పై గత కొన్ని రోజులుగా ఎటూ తేల్చక రెండు కళ్ళ సిద్ధాంతం అంటూ ముందుకెళ్ళిన తెలుగుదేశం పార్టీ అధ్యక్షుడు నారా చంద్రబాబు నాయుడికి దెబ్బమీద దెబ్బ తగులుతుండటంతో తెలంగాణ పై ఏదోఒకటి తేల్చాలని డిసైడ్ అయ్యాడు. గత రెండు రోజుల నుండి ఎన్టీఆర్ ట్రస్ట్ భవన్ లో జరుగుతున్న విస్తృత సమావేశాలు జరుగుతున్నాయి. ఈ సమావేశాలలో కొన్ని కీలక నిర్ణయాలు తీసుకున్నారు.

ఈ సమావేశాల ముగింపు సందర్భంగా చంద్రబాబు నాయుడు మాట్లాడుతూ... తెలంగాణ అంశం పై పార్టీలో అందరి నాయకులతో కలిసి మాట్లాడి స్పష్టమైన నిర్ణయం వెల్లడిస్తామని, ఉప ఎన్నికలు రావడంతో వల్ల అందరితో మాట్లాడే అవకాశం కుదరలేదని అన్నారు. కోట్ల రూపాయల ప్యాకేజీల వల విసిరి పార్టీని బలహీనపర్చాలని అనుకొంటే అది భ్రమేనని, చీల్చిన ప్రతిసారీ తమ పార్టీ తిరుగులేని శక్తిగా మారిందని వ్యాఖ్యానించారు. అయితే రాజకీయ విశ్లేషకులు మాత్రం ఇన్ని రోజులు నాన్చి నాన్చి ఇప్పుడు తెలంగాణ పై స్పష్టమైన నిర్ణయం తెలిపినా అది తెలుగు దేశం పార్టీకీ అంతగా ఉపయోగపడదని అంటున్నారు.