Posted: 05/14/2012 08:52 PM IST

ఢిల్లీలో పార్లమెంటు భవనం దగ్గర ఓ యువతి హంగామా చేసింది. ఆత్మహత్యాయత్నానికి ప్రయత్నించి పోలీసులకు ముచ్చెమటలు పట్టించింది. వివరాల్లోకి వెళితే... శంకరపురం నుండి వచ్చిన ఓ యువతి సోమవారం ఉదయం పార్లమెంటు భవనం ఎదుట యాసిడ్ తాగే ప్రయత్నం చేసింది.

అయితే యువతి ఆత్మహత్యాయత్నానికి పోలీసుల నిర్లక్ష్యమే కారణం అని అంటున్నారు. ఎందుకంటే... ఆత్మహత్యకు యత్నించిన యువతి భర్త గత కొంతకాలంగా కనిపించడం లేదు. దీనిపై ఆమె పోలీసులకు ఫిర్యాదు చేసింది. అయితే పోలీసులు ఆమె ఫిర్యాదును పట్టించుకోలేదు. పోలీసుల తీరుతో తిరిగి విసిగిపోయిన ఆమె పూర్తిగా డిప్రెషన్‌లోకి వెళ్లి పోయి, మీడియా, పోలీసుల ఎదుట పార్లమెంటు భవనం ముందు యాసిడ్ తాగి ఆత్మహత్యకు ప్రయత్నించింది.