Posted: 04/29/2012 02:52 PM IST

       తిరుపతి అసెంబ్లీ టికెట్ కోసం రాష్ట్ర మంత్రి గల్లా అరుణకుమారి విశ్వప్రయత్నాలు చేస్తున్నారు. ఉప ఎన్నికల్లో తన కుమారుడు జయదేవ్‌ను కాంగ్రెస్ తరపున తిరుపతి నుంచి బరిలోకి దింపాలన్న భావిస్తున్న మంత్రి ఈ దిశగా పావులు కదుపుతున్నారు. దీనిలో భాగంగా ఈరోజు తనయుడిని వెంటబెట్టుకుని రాజ్యసభ సభ్యుడు చిరంజీవిని కలిశారు. తన కుమారుడి అభ్యర్థిత్వాన్ని బలపరచాలని చిరంజీవిని ఆమె కోరినట్టు తెలుస్తోంది.
       ఇదిలా ఉండగా, ఉప ఎన్నికల నేపథ్యంలో అనంతపురంలో పోలీసులు తనిఖీలు ముమ్మరం చేశారు. కలెక్టరేట్ సమీపంలోని చెక్‌పోస్ట్ వద్ద ఓ కారులో తరలిస్తున్న 10 లక్షల 17 వేల రూపాయల నగదును పోలీసులు స్వాధీనం చేసుకున్నారు. హైదరాబాద్‌లో వీనస్ సెల్‌ఫోన్ విడిభాగాల తయారీ కంపెనీలో సేల్స్‌మేనేజర్‌గా పనిచేస్తున్న వ్యక్తి నుంచి ఈ డబ్బు స్వాధీనం చేస్తున్నట్టు స్థానిక ఎస్సై తెలిపారు. వివరాలన్నీ నిర్ధారణ చేసుకున్న తర్వాత తదుపరి చర్యలు తీసుకుంటామని చెప్పారు.

...avnk