Posted: 12/07/2011 01:21 PM IST

సీనియర్ పాత్రికేయుడు కులదీప్ నయ్యర్ తెలంగాణ పై సంచలన వ్యాఖ్యలు చేశాడు. ఆయన ‘దేశంలో ప్రత్యేక రాష్ట్రాల అంశాలు, సమస్య’’ అనే అంశం పై ఆల్ బోడో స్టూడెంట్స్ యూనియన్ (ఏబీఎస్ యూ) ఆధ్యర్యంలో ఏర్పాటు చేసిన జాతీయ విస్ర్తుత స్థాయి సదస్సులో పాల్గొన్నారు.

ఈ సదస్సులో ఆయన మాట్లాడుతూ.... తెలంగాణ విషయంలో మొదటి నుండి కేంద్రం తప్పిదాలు చేసిందని, తొలుత కమీషన్ వేసి, ఆ తరువాత ప్రకటన చేయాలని, వారు కమీషన్ వేయకుండానే ప్రకటన చేసిందని చెప్పారు. తెలంగాణకు కేంద్రం ఒప్పుకుంటే గూర్ఖాలాండ్, బోడోలాండ్, యూపీలో నాలుగు రాష్ట్రాల సమస్య కేంద్రం మెడకు చుట్టుకుంటుందని, తెలంగాణకు రెండో ఎస్సార్సీ కావాలనీ, కానీ అది ఇప్పడే కాదని, దానికి ఇది సమయం కాదని వారు అన్నారు.

ఒక వేళ తెలంగాణ ఇస్తే హైదరాబాద్ ను కేంద్రపాలిత ప్రాంతం చేయాలని అన్నారు. చిన్న రాష్ట్రాల ఏర్పాటు విషయంలో జాతి ప్రయోజనాలను, ఆర్థిక స్థితి గతులను పరిగణలోకి తీసుకోవాలని ఆయన సూచించారు.